მათეუს კუნიას, ბრაიან მბემოსა და ბენჟამინ შეშკოს ტრანსფერების შემდეგ, მანჩესტერ იუნაიტედის ყველაზე ძვირადღირებულ ფეხბურთელთა 10-ეული განახლდა. საინტერესოა ის, რომ ზემოაღნიშნული ახალწვეულების გარდა, დანარჩენმა 7-მა მოთამაშემ, ობიექტურად, "წითელ ეშმაკებში" ვერ გაამართლა.
თავად განსაჯეთ - ანხელ დი მარია, რომელუ ლუკაკუ, პოლ პოგბა, ჰარი მაგუაირი, ჯეიდონ სანჩო, ანტონი სანტოსი, რასმუს ჰოილუნი. ჩამოთვლილი მოთამაშეებიდან ოლდ ტრაფორდზე დიდი ხნით არავინ გაჩერებულა. ამჟამინდელ გუნდში დარჩენილია მხოლოდ მაგუაირი და ჰოილუნი, მაგრამ ეს უკანასკნელი მილანში გადასვლასთან არის ახლოს.
დიახ, რუბენ ამორიმის განკარგულებაში არიან სანჩო და ანტონიც, თუმცა ასი პროცენტით გადაწყვეტილია, რომ მათ გამოყენებას ინგლისური კლუბი აღარ აპირებს. ვნახოთ, შეძლებენ თუ არა ნავსის გატეხვას მანჩესტერის ახალწვეულები.
10 ყველაზე ძვირადღირებული შენაძენი მანჩესტერ იუნაიტედის ისტორიაში
| ფეხბურთელი | წინა კლუბი | ფასი | შედეგი | პერიოდი |
| პოლ პოგბა | იუვენტუსი | 105 მილიონი ევრო | 233 მატჩი, 39 გოლი | 2016-2022 |
| ანტონი სანტოსი | აიაქსი | 95 მილიონი ევრო | 96 მატჩი, 12 გოლი | 2022-დღემდე |
| ჰარი მაგუაირი | ლესტერი | 87 მილიონი ევრო | 246 მატჩი, 15 გოლი | 2019-დღემდე |
| ჯეიდონ სანჩო | დორტმუნდი | 85 მილიონი ევრო | 83 მატჩი, 12 გოლი | 2021-დღემდე |
| რომელუ ლუკაკუ | ევერტონი | 84.7 მილიონი ევრო | 96 მატჩი, 42 გოლი | 2017-2019 |
| რასმუს ჰოილუნი | ატალანტა | 77.8 მილიონი ევრო | 95 მატჩი, 26 გოლი | 2023-დღემდე |
| ბენჟამინ შეშკო | ლაიფციგი | 76.5 მილიონი ევრო | - | 2025- |
| ანხელ დი მარია | რეალი | 75 მილიონი ევრო | 32 მატჩი, 4 გოლი | 2014-2015 |
| ბრაიან მბემო | ბრენტფორდი | 75 მილიონი ევრო | - | 2025- |
| მათეუს კუნია | ვულვზი | 74.2 მილიონი ევრო | - | 2025- |
