მასიმილიანო ალეგრი
მწვრთნელი, რომელიც ტურინის იუვენტუსიდან წასვლის შემდეგ უმუშევარია. ალეგრის "მანკუნიანელების" სახელს უკავშირებდნენ ადრეც, 2019-2021 წლებში, "ბებერ ქალბატონში" დაბრუნებამდე. აღსანიშნავია, რომ ნისლიან ალბიონზე მუშაობის სურვილი თავად მაქსსაც არ დაუმალავს.
გრემ პოტერი
პრემიერ ლიგის უკანასკნელი წლების ერთ-ერთი აღმოჩენა არის ბრაიტონი, რომლის აღმავლობა სწორედ პოტერით დაიწყო. შემდეგ იყო წარუმატებელი პერიოდი ლონდონის ჩელსიში, რომელშიც გრემი სულ რაღაც ნახევარი სეზონით გაჩერდა. უკვე 1.5 წელია, რაც ის უმუშევარია, "ოცნებათა თეატრში" კი ახალი დამრიგებელი სჭირდებათ.
გარეთ საუთგეიტი
არსებობს მოსაზრება, რომ მანჩესტერის მწვრთნელობის ყველაზე რეალური კანდიდატი სწორედ საუთგეიტია. კლუბს მის სახელს უკავშირებდნენ ჯერ კიდევ მაშინ, როდესაც გარეთი ინგლისის ეროვნულ გუნდში მუშაობდა. საკლუბო ფეხბურთში გადასვლის სურვილი არც თავად დამრიგებელს დაუმალავს.
ედინ ტერზიჩი
მწვრთნელი, რომელმაც დორტმუნდის ბორუსია გასულ სეზონში ჩემპიონთა ლიგის ფინალში გაიყვანა. იქამდე ერთი სეზონით ადრე კი, ტერზიჩმა ბუნდესლიგის მოგების შანსი ბოლო ტურში გაუშვა. ედინის სახელს უკავშირებენ მილანსაც, პაულუ ფონსეკას გაშვების შემთხვევაში.
ჩავი ერნანდესი
საუთგეიტის მსგავსად, იუნაიტედში მისვლის ერთ-ერთი მთავარი კანდიდატი არის ჩავი. მან მშობლიურ ბარსელონას მოაგებინა ლა ლიგა, თუმცა გასული სეზონი გამოდგა წარუმატებელი, როგორც გუნდისთვის, ისე პერსონალურად ერნანდესისთვის. კატალონიაში გასულ ზაფხულს ის შეცვალა ჰანსი ფლიკმა, რომელმაც გუნდი ახლებურად აათამაშა, ესპანელი დამრიგებელი კი ჯერჯერობით უმუშევარია.
