პარმას ახალი მთავარი მწვრთნელი ჰყავს. კრისტიან კივუს მილანის ინტერში გადასვლის შემდეგ, მისი ადგილი იტალიურ გუნდში კარლოს კუესტამ დაიკავა. სხვადასხვა დროს ის მუშაობდა იუვენტუსისა და ატლეტიკოს ახალგაზრდულ სისტემაში, 2020 წლიდან - გასული სეზონის ბოლომდე კი ესპანელი სპეციალისტი იყო მიკელ არტეტას ასისტენტი არსენალში.
საინტერესოა ისიც, რომ მადრიდელებში "ჯალობლუს" მწვრთნელი მოხვდა ტვიტერის საშუალებით, ტაქტიკური და ანალიტიკური არაერთი პოსტის დაწერის შემდეგ. კუესტას აქვს საკმაოდ პერსპექტიული რეზიუმე და ეს ყველაფერი იმის გათვალისწინებით, რომ ის სულ რაღაც 29 წლის არის.
ესპანელი მწვრთნელი მომავალ სეზონში იქნება ყველაზე ახალგაზრდა დამრიგებელი როგორც სერია ა-ში, ისე ზოგადად ტოპ ხუთ ლიგაში. კარლოსზე ახალგაზრდა კალჩოში ყოფილა მხოლოდ ელიო ლოსკა, შორეულ 1939-ში ის იყო ტრიესტინას მოთამაშე სპეციალისტი 29 წლისა და 9 თვის ასაკში.
"ჯვაროსნების" ახალი მწვრთნელი სულ რაღაც რამდენიმე თვით არის ყოფილ იტალიელ დამრიგებელზე უფროსი. საინტერესოა ისიც, რომ ტარდინიზე 29 წლის სპეციალისტის განკარგულებაში იქნება 4 მოთამაშე, რომელიც მასზე უფროსი არის.
