დღეს გაიმართება კონფერენს ლიგის საკვალიფიკაციო ეტაპის მატჩი აზერბაიჯანულ ზირასა და ქუთაისის ტორპედოს შორის.
გარდა იმისა, რომ ამ მატჩს დიდი ინტერესით ელიან ქუთაისელი და ზოგადად ქართველი გულშემატკივრები და ტორპედს იმედი აქვთ, მთავარი ინტრიგა ქართველების დაპირისპირებაა.
მოგეხსენებათ, ზირაში ორი ქართველი ფეხბურთელი - გიორგი პაპუნაშვილი და დავით ვოლკოვი თამაშობს, რომლებცი ქართული კლუბის წინააღმდეგ ითამაშებენ. მეტიც, ცოტა ხნის წინ, პაპუნაშვილი სწორედ ტორპედოში გამოდიოდა.
ევროტურნირების წინ, ტორპედომ საინტერესო შევსება მიიღო. დაიმატეს ლუკა ლაცაბიძე, მატეო სტამატოვი, ვირჯილ პინსონი, დინო სკორუპი.
ქუთაისელები ამ მატჩს კარგი განწყობით ხვდებიან, რადგან ცოტა ხნის წინ, იბერია პენაკტებში დაამარცხეს და საქართველოს სუპერთასის გამარჯვებულები გახდნენ.
რაც შეეხება ზირას, წელს ისინი არასტაბილურად ასპარეზობენ, მე-5 ადგილზე არიან და ევროზონაში შესასვლელად იბრძვიან.
ზირას ბოლო 5 მატჩი: პფკ-ზირა 3:2, ზირა-სუმგაიტი 2:1, საბაჰი-ზირა 2:1, იმისლი-ზირა 0:0, ზირა-გაბალა 1:0
ტორპედოს ბოლო 5 მატჩი: იბერია-ტორპედო 2:2, დილა-ტორპედო 0:1, ტორპედო-სპაერი 0:0, ტორპედო-დინამო ბათუმი 2:3, სამგურალი-ტორპედო 2:1
ზირა - ტორპედო
კონფერენს ლიგა, პირველი საკვალიფიკაციო ეტაპი
8 ივლისი, 20:00
ზირას სტადიონი, ზირა
მთავარი მსაჯი: ჯონი ჰიიტია (ფინეთი)
ტორპედოს სავარაუდო შემადგენლობა:გოშაძე, ბუკია, მანე, სიმიჩი, ვარლეი, მამუჩაშვილი, სკორუპი, პირესი, არაბიძე, პინსონი, ანდრიჩი
