თბილისმა სამბოში ევროპის ჩემპიონატს უმასპინძლა. ეროვნულმა ნაკრებმა შეჯიბრებაზე 13 მედალი მოიპოვა. საქართველოს ანგარიშზე 1 ოქრო, 5 ვერცხლი და 7 ბრინჯაოს მედალია.
ტურნირზე ევროპის ჩემპიონობა ავთო მუკბანიანმა (64 კგ) იზეიმა; ვერცხლის მედლები ნინო ოძელაშვილმა (72 კგ), ნიკა სიდამონიძემ (98 კგ), მირზა ციხელაშვილმა (58 კგ), ვახტანგ ჩიდრაშვილმა (58 კგ) და ლუკა წიქვაძემ (79 კგ) მოიპოვეს; ბრინჯაოს მედლებს ელენე ქებაძე (+80 კგ), მარიამ ლაფაჩიშვილი (54 კგ), ბექა ძაგანიშვილი (88კგ), გიორგი ქავთარაძე (+98 კგ), ჯაბა თურქია (71 კგ), ირაკლი ტალახაძე (64 კგ) და გიორგი ეგნატაშვილი (88 კგ) დასჯერდნენ.
ევროპის ჩემპიონატი საქართველოს სპორტის სამინისტროს მხარდაჭერით ჩატარდა. ტურნირის დასკვნით დღეს შჯიბრებას საქართველოს სპორტის მინისტრი შალვა გოგოლაძე და მინისტრის მოადგილე ირაკლი დოლაბერიძე ესწრებოდნენ. სპორტის მინისტრის მოადგილემ, ირაკლი დოლაბერიძემ, 79 კილოგრამ წონით კატეგორიაში პრიზორი სპორტსმენები დააჯილდოვა.
ევროპის ჩემპიონატზე 34 ქვეყნის 300-ამდე სპორტსმენი მონაწილეობდა. საქართველომ სამბოს ევროპის ჩემპიონატს მეორედ უმასპინძლა, პირველად კონტინენტის პირველობა თბილისში 2008 წელს გაიმართა.
