შეხვედრის პირველი გოლი 33-ე წუთზე გავიდა — თერთმეტმეტრიანი დარტყმა ზუსტად ხვიჩა კვარაცხელიამ შეასრულა და საქართველომ პირველი ნახევარი მოიგო.
მეორე ტაიმის დებიუტში, 53-ე წუთზე, გიორგი ჩაკვეტაძემ აიღო მეტოქის კარი და სხვაობა ორამდე გაზარდა. 63-ე წუთზე, თავი გიორგი მიქაუტაძემ გამოიჩინა, ხოლო ზუსტად 3 წუთში, გიორგი ქოჩორაშვილმაც გაიტანა და ანგარიში გამანადგურებელი გახადა. მე-80 წუთზე, ლუკას კალვაჩმა პრესტიჟის გოლი გაიტანა და საბოლოო ანგარიში, 4:1 დააფიქსირა.
საქართველოს ეროვნული ნაკრები მომდევნო შეხვედრას 10 სექტემბერს გამართავს და ალბანეთს გასვლაზე დაუპირისპირდება, ხოლო იმავე დღეს ჩეხეთი საკუთარ კედლებში უკრაინას მიიღებს.
