საქართველოს ნაკრების მთავარმა მწვრთნელმა ვილი სანიოლმა ბულგარეთთან მატჩის წინ კომენტარი გააკეთა.
მოგეხსენებათ, მსოფლიო ჩემპიონატის საკვალიფიკაციო ეტაპის ბოლო ტურის მატჩს ჩვენი ნაკრები ხვალ, ბულგარეთის წინააღმდეგ ჩაატარებს.
ბულგარეთთან მატჩზე
"წინა თამაშისგან განსხვავებით, ეს შეხვედრა განსხვავებული იქნება, რადგან პირველ მატჩში ჯგუფიდან გასვლის შანსი ორივე ნაკრებს გვქონდა ახლა კი სიტუაცია სხვაგვარია."
ტაქტიკურ მონახაზზე
"რა თქმა უნდა, ამ მატჩში ჩვენი მიზანი მხოლოდ გამარჯვებაა, რადგან ოფიციალური მატჩია და ჩვენი გეგმაა, რომ მომდევნო შესარჩევ ციკლებს და ერთა ლიგას კარგ განწყობაზე შევხვდეთ, რადგან მოგეხსენებათ, შემდეგ ორ შეკრებაზე მხოლოდ ამხანაგურ მატჩებს გავმართავთ."
განწყობა ნაკრებში
"ფეხბურთი ასეთი სპორტია - ხან კარგი პერიოდი გაქვს, ხან ცუდი. შესაბამისად, ხალხი ხან კრიტიკულია, ხან ბედნიერი. ყველა ქვეყანაში ასე ხდება, მხოლოდ საქართველოში არა. ვფიქრობ, ვიპოვით ძალას, რომ მალე კვლავ კარგ სვლას დავუბრუნდეთ."
გიორგი ჩაკვეტაძეზე
"ფეხბურთელის დანაკლისი ყოველთვის მტკიცნეულია, განსაკუთრებით ისეთი მოთამაშის, როგორიც ჩაკვეტაძეა. მისი ყოფნა ჩვენთვის ყოველთვის მნიშვნელოვანია. ნახევარდაცვაში ხაზებს შორის ბრწყინვალედ თამაშობს, რაც ჩვენთვის კომფორტულია. იმედია, თამაშს მალე განაახლებს და მომდევნო მატჩებში ნაკრებს დაუბრუნდება,"
