ზედიზედ მესამედ იმსაჯებს ოლიმპიურ თამაშებზე ვლადიმერ ნუცუბიძე. ქართველი ძიუდოს მსაჯი პარიზში, ზაფხულის XXXIII ოლიმპიადაზე იქნება მსაჯი.
ვლადიმერ ნუცუბიძე ერთადერთი ქართველი არბიტრია ძიუდოში, რომელიც ოლიმპიურ თამაშებზე მუშაობს. ქართველი რიო დე ჟანეიროს 2016 წლისა და ტოკიოს 2020 წლის თამაშებზე მსაჯობდა, მათ შორის ფინალურ ბრძოლებს.
ვლადიმერ ნუცუბიძე 1999 წლიდან მსაჯობს კონტინენტურ საერთაშორისო შეჯიბრებებს, 2007 წლიდან კი მსოფლიო ლიცენზიის მფლობელია. უმსაჯია ათეულობით დიდ შეჯიბრებაზე, მათ შორის მსოფლიოსა და ევროპის ჩემპიონატზე. იგი არაერთხელ ყოფილა მსაჯთა საერთაშორისო რეიტინგის სათავეში.
