მსოფლიო ჩემპიონატის მსაჯი ომარ არტანი, რომელიც ისტორიაში პირველი სომალელი არბიტრი უნდა გამხდარიყო მუნდიალზე, აშშ-ში არ შეუშვეს და ტურნირს მიღმა დატოვეს. 2025 წლის აფრიკის საუკეთესო მსაჯი მაიამის აეროპორტში "დამატებითი შემოწმების“ შემდეგ ქვეყანაში არ დაუშვეს, რის გამოც FIFA-მ ის მსოფლიო ჩემპიონატის მსაჯთა სიიდან ამოიღო.
ამერიკის საბაჟო და სასაზღვრო სამსახურმა (CBP) არტანი ქვეყანაში შესვლისთვის მიუღებლად მიიჩნია უსაფრთხოების გამო. თუმცა, ხელისუფლებას კონკრეტული მიზეზი საჯაროდ არ განუმარტავს.
Referee Omar Artan was given a hero’s welcome as he arrived back in Somalia after he was denied entry to the US 🇸🇴 pic.twitter.com/mqQTDQIjNJ
— BBC Sport (@BBCSport) June 10, 2026
მიუხედავად იმედგაცრუებისა, არტანს სამშობლოში გმირივით დახვდნენ. მოგადიშუს აეროპორტში ასობით გულშემატკივარი და ოფიციალური პირი შეიკრიბა, რათა მხარდაჭერა გამოეხატათ სომალელი არბიტრისთვის. არტანმა შეკრებილებს მადლობა გადაუხადა და განაცხადა, რომ მომავალში კვლავ იბრძოლებს მსოფლიო ჩემპიონატზე დასაბრუნებლად, ხოლო სომალის ახალგაზრდებს მოუწოდა, იმედი არასოდეს დაკარგონ.
სომალელი არბიტრი ისტორიაში პირველი მსაჯი უნდა გამხდარიყო თავისი ქვეყნიდან, რომელიც მსოფლიო ჩემპიონატის მატჩს განსჯიდა, თუმცა აშშ-ში არშეშვების გამო ეს ისტორიული შანსი დაკარგა. მიუხედავად ამისა, არტანმა განაცხადა, რომ მომხდარს ღირსეულად იღებს და იმედოვნებს, რომ მომავალ მუნდიალზე კვლავ მიეცემა საკუთარი ქვეყნის ღირსეულად წარმოჩენის შესაძლებლობა.
