მარკო ვან ბასტენმა თავის წარუმატებელ სამწვრთნელო კარიერაზე ისაუბრა. შეგახსენებთ, რომ ლეგენდარული თავდამსხმელი დამრიგებლად მუშაობდა 2004-2014 წლებში, მაგრამ ტიტულების მოგება მან ვერ მოახერხა. სამწვრთნელო კარიერის დასრულების შემდეგ, ყოფილმა ნიდერლანდელმა ფორვარდმა ფიფაში მუშაობა დაიწყო.
"ცუდი მწვრთნელი ვიყავი. ამ საქმეში გამოვლილი წარუმატებლობები იმდენად განვიცადე, რომ საერთოდ წასვლა გადავწყვიტე. რატომ არ შედგა ჩემი სამწვრთნელო კარიერა? - ამბობენ, რომ დამრიგებელსა და შეგირდებს შორის უნდა იყოს ისეთი ურთიერთობა, როგორიც მამასა და შვილებს აქვთ, მაგრამ მე ეს ვერ შევძელი.
თანაშემწედ მუშაობის დროს თავშეკავებული და ყურადღებიანი ვიყავი, თუმცა მწვრთნელობის დროს საპირისპირო მიმართულებით შევიცვალე. ამ საქმეს შევეშვი და ეს სწორი გადაწყვეტილება იყო. ახლა ბევრად უფრო თავისუფალი და ბედნიერი ვარ. მწვრთნელობამ სიამოვნება ვერ მომანიჭა", - განაცხადა მილანის ყოფილმა ფორვარდმა.
შეგახსენებთ, რომ ვან ბასტენი მწვრთნელის რანგში მუშობდა ნიდერლანდების ნაკრებში, ამსტერდამის აიაქსში, ჰერენვენსა და ალკმაარში. ასევე იყო პერიოდები, როდესაც მარკო მწვრთნელის ასისტენტადაც მუშაობდა.
