ნიდერლანდები 2-3 ავსტრია
ბერლინში, ოლიმპიაშტადიონზე ნიდერლანდების და ავსტრიის მატჩი გაიმართა, სადაც ანგარიში დებიუტშივე გაიხსნა — მე-6 წუთზე მალენმა ბურთი საკუთარ კარში ჩაჭრა, ავსტრია დაწინაურდა და პირველი ტაიმი მოიგო.
მეორე ტაიმის მეორე წუთზე გაკპომ გაათანაბრა, ხოლო 59-ე წუთზე შმიდმა ავსტრია კვლავ წინ გაიყვანა. 75-ე წუთზე, მეტოქის კარი ნიდერლანდების შემტევმა, დეპაიმ აიღო, ზუსტად 5 წუთში კი ზაბიცერმა უპასუხა და ავსტრიის ნაკრები ჯგუფში პირველ ადგილზე გაიყვანა.
საფრანგეთი 1-1 პოლონეთი
D ჯგუფის მეორე მატჩი დორტმუნდში, სიგნალ იდუნა პარკზე ჩატარდა და ერთმანეთს საფრანგეთისა და პოლონეთის ნაკრებები დაუპირისპირდნენ. მატჩის პირველი ტაიმი უგოლოდ, 0:0 დასრულდა.
ანგარიში კი მეორე ტაიმის დასაწყისში, თერთმეტმეტრიანი დარტყმით 56-ე წუთზე მბაპემ გახსნა — მან კარიერაში პირველი გოლი გაიტანა ევროპის ჩემპიონატებზე. 79-ე წუთზე, ლევანდოვსკიმ ასევე თერთმეტმეტრიანით გაათანაბრა და მატჩის საბოლოო ანგარიში, 1:1 დააფიქსირა.
სამი ტურის შემდეგ, D ჯგუფის გამარჯვებული 6 ქულით ავსტრიის ეროვნული ნაკრები გახდა, მეორე ადგილზე 5 ქულით საფრანგეთი გავიდა, ხოლო ნიდერლანდებმა 4 ქულა დააგროვა და პლეიოფის საგზური მესამე ადგილით მოიპოვა. პოლონეთის ნაკრებმა მხოლოდ 1 ქულა აიღო და ევროპის ჩემპიონატზე ასპარეზობა დაასრულა.
