არჩილ არველაძე
წლები: 1993-1997
კლუბი: ტრაბზონსპორი
სტატისტიკა: 64 მატჩი, 23 გოლი
ძმები არველაძეებისთვის თურქეთში გატარებული პერიოდი უნდა ყოფილიყო ტრამპლინი დიდი ევროპულ ფეხბურთში და შოთას თუ ეს გამოუვიდა, არჩილს პოტენციალის რეალიზებაში ხელი ტრავმებმა შეუშალა. ტრაბზონსპორის შემდეგ, ის თამაშობდა ბრედასა და კიოლნში, მაგრამ ჯანმრთელობასთან დაკავშირებული პრობლემები ყოველთვის თავს იჩენდა.
შოთა არველაძე
წლები: 1993-1997
კლუბი: ტრაბზონსპორი
შედეგი: 123 მატჩი, 81 გოლი
თურქული ფეხბურთის ისტორიაში ერთ-ერთი საუკეთესო ლეგიონერი, რომელმაც მოკრძალებულ ტრაბზონსპორს ქვეყნის თასი და ქვეყნის სუპერთასი მოაგებინა. ამის გარდა, არველაძე გახდა თურქეთის ჩემპიონატის სეზონის საუკეთესო მოთამაშე და გოლეადორი, ასევე ქვეყნის თასის საუკეთესო ბომბარდირიც. თურქეთის შემდეგ, შოთას თავგადასავალი ნიდერლანდებში გაგრძელდა.
ზურაბ ხიზანიშვილი
წლები: 2011-2014
კლუბი: ქაისერისპორი
შედეგი: 89 მატჩი, 1 გოლი
საქართველოს, შოტლანდიისა და ინგლისის მოვლის შემდეგ, ხიზანიშვილმა მიაშურა თურქეთს, სადაც სამი წელი ქაისერისპორში ითამაშა. მისთვის ყველაზე წარმატებული გამოდგა სადებიუტო სეზონი, რომელშიც ზურაბმა ჩაატარა 39 მატჩი და 1 ბურთიც გაიტანა. დღეს, ის თურქეთს უპირისპირდება მთავარი მწვრთნელის ასისტენტის რანგში.
საბა ლობჟანიძე
წლები: 2020-2023
კლუბი: ანკარაგუჯუ, ჰატაისპორი, ქარაგუმრუქი
შედეგი: 124 მატჩი, 15 გოლი
საქართველოს ნაკრების მოქმედი ფეხბურთელი, რომელიც თურქეთის ნაკრებს ევროპის ჩემპიონატზე დაუპირისპირდება. ლობჟანიძემ სუპერ ლიგაში გაატარა 4 სეზონი, შემდეგ კი აშშ-ს მიაშურა. ევრო 2024-ზე გამგზავრების წინ, საბამ მლს-ის მატჩში დაამარცხა ლეო მესის ინტერ მაიამი, შეასრულა დუბლი და გახდა ტურის საუკეთესო მოთამაშე.
ლევან შენგელია
წლები: 2019-2021
კლუბი: ქონიასპორი
შედეგი: 59 მატჩი, 7 გოლი
დინამოში გატარებული წარმატებული პერიოდის შემდეგ, შენგელიამ მიაშურა თურქეთს, სადაც ორი სეზონის განმავლობაში ქონიასპორში ითამაშა. შემდეგ იყო ბელგია და საბერძნეთი. ლობჟანიძის მსგავსად, საქართველოს ეროვნულ გუნდში არის შენგელიაც, რომელიც დღეს სწორედ თურქეთს დაუპირისპირდება.
ასევე გამოსარჩევია: ალექსანდრე ამისულაშვილი, გიორგი ბერიძე, გოჩა ჯამარაული, გიორგი ნემსაძე, თორნიკე ოქრიაშვილი
