მსოფლიო ჩემპიონატის საკვალიფიკაციო ეტაპის მატჩები გრძელდება. ესპანეთთან განცდილი მძიმე მარცხის შემდეგ, საქართველოს ეროვნული ნაკრები ზუსტად ორ დღეში თურქეთს დაუპირისპირდება.
ვინცენჩო მონტელას გუნდი ამ დაპირისპირებას საკმაოდ კარგ ხასიათზე ხვდება — თურქეთმა რამდენიმე საათის წინ ბულგარეთის ეროვნულ ნაკრებს 6-1 მოუგო და ცხრილში სიტუაცია საგრძნობლად გაიუმჯობესა. ამ შეხვედრაში თავის გამოჩენა მოახერხა ირფან ჩან კაჰვეჩიმ, რომელმაც მატჩის საბოლოო ანგარიში დააფიქსირა, თუმცა მისთვის სამწუხაროდ ტრავმაც მიიღო, რის გამოც საქართველოსთან მატჩს ოფიციალურად გამოტოვებს.
თურქეთი-საქართველოს მატჩი ორივე ნაკრებისთვის ძალიან მნიშვნელოვანია. ამ შეხვედრის შემდეგ წესით და რიგით ყველაფერი გაირკვევა და E ჯგუფში მეორე ადგილოსანი გუნდის ვინაობაც გვეცოდინება. ეს საკმაოდ საინტერესო დაპირისპირება 14 ოქტომბერს, თბილისის დროით 22:45 საათზე გაიმართება.
