ესპანეთის ეროვნული ნაკრების ბანაკიდან ახალი ინფორმაცია ვრცელდება — როგორც ირკვევა, საქართველოსთან მატჩამდე ერთი დღით ადრე, ლუის დე ლა ფუენტემ ტრავმის გამო კიდევ ერთი ფეხბურთელი დაკარგა, კერძოდ დანი ოლმო, რომელმაც ფეხის უკანა კუნთზე დისკომფორტი იგრძნო და ვარჯიში ნაადრევად დატოვა. 27 წლის შემტევი ნახევარმცველი ხვალინდელ დაპირისპირებას ოფიციალურად გამოტოვებს.
დანი ოლმოს გარდა, ესპანეთის ეროვნულ ნაკრებს საქართველოსთან მატჩში კიდევ 5 ფეხბურთელი დააკლდება: დინ ჰაუსენი, როდრი, ფაბიან რუისი, ლამინ იამალი და ნიკო უილიამსი.
შეგახსენებთ, ესპანეთი-საქართველოს მატჩი ხვალ, 11 ოქტომბერს, თბილისის დროით 22:45 საათზე გაიმართება.
