საქართველოს საფეხბურთო ეროვნულ ნაკრებს ამხანაგური მატჩი 5 ივნისს არ აქვს ჩანიშნული და გავრცელებული ინფორმაცია სიმართლეს არ შეესაბამება, - ამის შესახებ La Gazzetta dello Sport Georgia-ს საქართველოს ფეხბურთის ფედერაციაში განუცხადეს.
დღის განმავლობაში ვრცელდებოდა ინფორმაცია იმის შესახებ, რომ საქართველოს ნაკრებმა კიდევ ერთი ამხანაგური მატჩი 5 ივნისს თბილისში ჩანიშნა.
ამ დროისთვის ოფიციალურად დადასტურებულია, რომ ჩვენი გუნდი ევროპის ჩემპიონატამდე ამხანაგური მატჩის ფარგლებში, მონტენეგროს ნაკრებს ესტუმრება. მატჩი 9 ივნისს პოდგორიცაში, "გრადსკი სტადიონზე", გაიმართება.
საქართველოს ნაკრებს ევროპის ჩემპიონატამდე ორი ამხანაგური მატჩის ჩატარება შეუძლია, მეორე შეხვედრის შესახებ ამ დროისთვის ოფიციალური ინფორმაცია არ ვრცელდება.
ფოტო: ანამარია ჩოხელი
