საქართველოს ფუტსალის ნაკრებმა რუმინეთი დაამარცხა

 
პირველი ტაიმი ქართველების სრული უპირატესობით წარიმართა. ანგარიში ვახტანგ კეკელიამ გახსნა, გიორგი ჩიმაკაძემ ჯერ უპირატესობა გაზარდა, შემდეგ დუბლი გაიფორმა და პირველი ნახევარში საქართველომ 3:0 გაიმარჯვა.

მეორე ტაიმში სტუმრების აქტიურობას გოლი მოჰყვა, სხვაობა საბოლჩ მანიამ შეამცირა (3:1), თუმცა შოთა თოფურიას გოლით, საქართველოს ნაკრები კვლავ 3-ბურთიანი უპირატესობით დაწინაურდა - 4:1. რუმინელებმა მეორე გოლის გატანაც მოახერხეს, საბოლოო ანგარიში - 4:2 ატილა გალიმ დააფიქსირა.

ავთანდილ ასათიანის გაწვრთნილი გუნდი რუმინეთის ნაკრებთან კიდევ ერთ ამხანაგურ შეხვედრას 7 თებერვალს გამართავს. მატჩი თბილისის სპორტის სასახლეში, 18:00 საათზე დაიწყება და დასწრება თავისუფალია. 

ფოტო: საქართველოს ფეხბურთის ფედერაცია