ცნობილია საქართველოს ბერძნულ-რომაული სტილით მოჭიდავეთა ნაკრების შემადგენლობა ევროპის 2024 წლის ჩემპიონატისთვის.
საქართველოს ნაკრების განაცხადშია გუნდის ლიდერი, ევროპის ორგზისა და მსოფლიოს ჩემპიონი ლერი აბულაძე (63 კგ), რომელიც ზედიზედ მეორედ, ევროპირველობაზე მოქმედი ჩემპიონის რანგში გამოვა.
ასევე საქართველოს ნაკრებთან ერთადაა ევროპის 2018 წლის ჩემპიონი რობერტ კობლიაშვილი (97 კგ) და იაკობ ქაჯაია (130 კგ) ტოკიოს ოლიმპიური თამაშების ფინალისტი და ევროპული თამაშების ჩემპიონი.
ბერძნულ-რომაული სტილით მოჭიდავეთა ნაკრების შემადგენლობაში სამი დებიუტანტია, დიეგო ჩხიკვაძე, გიორგი ჩხიკვაძე და აჩიკო ბოლქვაძე.
ქართველი მოჭიდავეები ევროპირველობისთვის მოსამზადებელი ციკლის დასკვნით შეკრებას გორში გადიან.
საქართველოს ბერძნულ-რომაული სტილით მოჭიდავეთა ნაკრების შემადგენლობა:
55 კგ - ნუგზარ წურწუმია
60 კგ - ფრიდონ აბულაძე
63 კგ - ლერი აბულაძე
67 კგ - დიეგო ჩხიკვაძე
72 კგ - გიორგი ჩხიკვაძე
77 კგ - იური ლომაძე
82 კგ - გელა ბოლქვაძე
87 კგ - აჩიკო ბოლქვაძე
97 კგ - რობერტ კობლიაშვილი
130 კგ - იაკობ ქაჯაია
ევროპის ჩემპიონატი რუმინეთის დედაქალაქ ბუქარესტში 12 თებერვალს დაიწყება.
იტვირთება…
