ხვალ გაიმართება ერთა ლიგის ჯგუფური ეტაპის მესამე ტურის მატჩი უნგრეთისა და საქართველოს ნაკრებებს შორის.
მატჩის წინ კომენტარი უნგრეთის ნაკრების მთავარმა მწვრთნელმა მარკო როსიმ გააკეთა.
"ჩემი აზრით, წინა ორ ტურში უკრაინასთან ფრე და ჩრდ.ირლანდიასთან მოგება ჩვენთვის გაცილებით ლოგიკური და დამსახურებული შედეგი იქნებოდა, თუმცა ასე არ მოხდა.
აუცილებელია, რომ შეტევით ფაზაში მოვუმატოთ და უფრო სწრაფი გადაწყვეტილებები მივიღოთ. თამაში დაცვაშიც უნდა გავაუმჯობესოთ.
რაც შეეხება საქართველოს ნაკრებს, მათი 8 ფეხბურთელი ტოპ ჩემპიონატებში თამაშობს, გამოვარჩევდი ორ მოთამაშეს - ხვიჩა კვარაცხელია, რომელიც მოედნის ყველა ნაწილში გადაადგილდება და სრული თავისუფლება აქვს და მიქაუტაძეს, რომელიც საჯარიმოში ძალიან სახიფათოა", - განაცხადა მარკო როსიმ.
უნგრეთისა და საქართველოს ნაკრებების მატჩი 2 ოქტომბერს, თბილისის დროით 22:45 საათზე გაიმართება.
