ჯენარო გატუზო ძალიან მალე იტალიის ნაკრების ახალი მთავარი მწვრთნელი გახდება. ის იყო მესამე ვარიანტი კლაუდიო რანიერისა და სტეფანო პიოლის შემდეგ, მათი უარით კი "სკუადრა აძურა" გადაერთო C გეგმაზე, რაც სპლიტის ჰაიდუკის ყოფილი დამრიგებლის დანიშნვას გულისხმობს.
იტალიელი მწვრთნელის კარიერა არც ისე წარმატებულია, 2013 წლიდან მან მოიპოვა მხოლოდ ერთი ტიტული - ქვეყნის თასი, 2020 წელს ნაპოლისთან ერთად. ამის გარდა, საგანგაშოა "რინოს" მოგებათა სტატისტიკა, რომელიც მის პრაქტიკულად ყველა ყოფილ კლუბში 50%-ს ქვემოთ არის.
გავიხსენოთ ყველაზე ცნობილი შემთხვევები და დავიწყოთ მილანით, სადაც 47 წლის მწვრთნელმა 83 მატჩიდან გამარჯვება 40 თამაშში მოიპოვა (48.19%). ვალენსია: 7 მოგება 22 შეხვედრაში (31.82%), მარსელი: 9 მოგება 24 შეხვედრაში (37.50%). გატუზომ 50%-იან ბარიერს ვერც პალერმოში, პიზაში, სიონში, ოფისა და ჰაიდუკში გადააბიჯა.
იტალიელი მწვრთნელის კარიერაში იყო ერთადერთი გუნდი, რომელშიც მან მოახერხა ნახევარზე მეტ მატჩებში გამარჯვების მოპოვება და ეს კლუბი "პარტენოპეი" არის. 46 მოგება 81 შეხვედრაში, 56.79%, ასეთია ჯენაროს ჯერჯერობით საუკეთესო მიღწევა.
