- გიორგი, შენმა თამაშმა ამ სეზონში ყველაზე დიდი შთაბეჭდილება მოახდინა - რა არის შენი საიდუმლო?
- ვცდილობ უფრო და უფრო მეტი ვიმუშაო ნებისმიერი კომპონენტის გაუმჯობესებაზე. სადაც ვგრძნობ, რომ უნდა გავაუმჯობესო ჩემი თამაში, იმაზე უფრო მეტს ვმუშაობ. დიდ დროს ვხარჯავ ამაზე. ამ ყოველივეს ჩემს მოტივაციად ვიყენებ, რათა უფრო სრულყოფილი მოთამაშე გავხდე, უფრო ძლიერი, მრავალმხრივი და გუნდისთვის სასარგებლო ვიყო.
- შესაძლოა, ნომრის ცვლილებამ შენს თამაშზეც იქონია გავლენა. რა იყო ნომრის შეცვლის მიზეზი?
- მე მიყვარს რვა ნომერი, მაგრამ როდესაც უოტფროდში მოვედი, მაშინ ეს ნომერი დაკავებული იყო. ამიტომ სხვა ნომრით მომიწია თამაში. თუმცა, ის ხელმისაწვდომი გახდა ზაფხულში, როდესაც ჯეიკ ლივერმორი წავიდა, ამიტომ კლუბში ვიკითხე, შემეძლო თუ არა ნომრის შეცვლა — მათგან თანხმობა მივიღე. ძალიან გამიხარდა, რადგან ძალიან მიყვარს ამ ნომრის ტარება.
- მე მიყვარს რვა ნომერი, მაგრამ როდესაც უოტფროდში მოვედი, მაშინ ეს ნომერი დაკავებული იყო. ამიტომ სხვა ნომრით მომიწია თამაში. თუმცა, ის ხელმისაწვდომი გახდა ზაფხულში, როდესაც ჯეიკ ლივერმორი წავიდა, ამიტომ კლუბში ვიკითხე, შემეძლო თუ არა ნომრის შეცვლა — მათგან თანხმობა მივიღე. ძალიან გამიხარდა, რადგან ძალიან მიყვარს ამ ნომრის ტარება.
- ერთი რამ, რამაც ყველაზე შთაბეჭდილება მოახდინა, არის შენი უნარი ბურთის ტარების დროს. როცა ისე გადაადგილდებით, რომ მცველებს ვარდნის გაკეთების საშუალებასაც კი არ აძლევთ. როგორ აკეთებ ამას?
- პრაქტიკა და ბევრი ვარჯიში ყველაფერს უკეთესს ხდის!
- უეინ რუნიმ დაგასახელათ, როგორც ლიგის საუკეთესო მოთამაშე - როგორი შეგრძნებაა ეს?
- ეს ძალიან მახარებს და რა თქმა უნდა, ვამაყობ ამით. რუნის ბევრი თამაში მინახავს — ის იყო შესანიშნავი ფეხბურთელი და ლეგენდა. ასე რომ, როცა ის შენზე მსგავს რამეს ამბობს, ცხადია, ეს მოტივაციად უნდა მიიღო.
- პლიმუთთან მატჩის შემდეგ, რუნისთან ისაუბრეთ. როგორ წარიმართა საუბარი?
- თამაშის შემდეგ ჩემთან მოვიდა და მითხრა, რომ ძალიან მოსწონს ჩემი სათამაშო სტილი და წარმატებები მისურვა. მასთან საუბრის შემდეგ, უკვე ვიცი, რომ ის მოედნის მიღმაც ძალიან კარგი ადამიანია.
- ვიცი, რომ კრიშტიანუ რონალდუ შენი საყვარელი მოთამაშეა. რას იტყვი მის თანაგუნდელზე, უეინ რუნიზე, როგორი ფეხბურთელი იყო? მისი თამაშიც მოგწონდა?
- ორივე მათგანის ყურება მიყვარდა. ისინი შესანიშნავი მოთამაშეები იყვნენ და მათ გავლენა მოახდინეს მთელ ეპოქაზე — მათი ყურება გამორჩეულად სასიამოვნო იყო.
- რატომ იყო რონალდუ შენი კუმირი?
- მას შემდეგ, რაც მას პირველად ვუყურე, მაშინვე შემიყვარდა მისი სათამაშო სტილი, მისი მრავალმხრივი უნარები, ტექნიკა, გოლის გატანა, საქმის სიყვარული და ფეხბურთისადმი დამოკიდებულება.
- როგორი გრძნობა იყო ევრო 2024-ზე პორტუგალიასთან შეხვედრა, როდესაც კრიშტიანუს წინააღმდეგ ითამაშე?
- ჩემთვის ძალიან ემოციური იყო, როცა მოედანზე რონალდუსთან ერთად ვიყავი. საოცრად დადებითი ემოციები ვიგრძენი. ზოგადად, ძალიან ემოციური მატჩი იყო, რადგან გავიმარჯვეთ და მერვედფინალში გავედით. არსებობს რამდენიმე მიზეზი, რის გამოც ის დღე მთელი ცხოვრება მემახსოვრება და ყოველთვის ვიამაყებ ამით.
- ჩემთვის ძალიან ემოციური იყო, როცა მოედანზე რონალდუსთან ერთად ვიყავი. საოცრად დადებითი ემოციები ვიგრძენი. ზოგადად, ძალიან ემოციური მატჩი იყო, რადგან გავიმარჯვეთ და მერვედფინალში გავედით. არსებობს რამდენიმე მიზეზი, რის გამოც ის დღე მთელი ცხოვრება მემახსოვრება და ყოველთვის ვიამაყებ ამით.
- თამაშის შემდეგ მასთან მაისურის გაცვლა სცადე?
- სიმართლე გითხრათ, თამაშის შემდეგ ისეთ ემოციებში ვიყავი, ამაზე არც კი მიფიქრია. როცა მაისურის გაცვლა გამახსენდა, უკვე გასახდელში ვზეიმობდით, თან ჩემმა ერთ-ერთმა თანაგუნდელმა უკვე გაუცვალა მას მაისური.
- რომელია შენი საყვარელი მაისური, რომელიც გაცვლის დროს მიიღე?
- ერთხელ ედინ ძეკოს გავუცვალე მაისური, როცა ბელგიაში გენტის შემადგენლობაში ვთამაშობდი. ევროპა ლიგაზე რომას შევხდით, მატჩის შემდეგ კი მაისური ჯეკოს გავუცვალე.
- მოგვიყევი რომელიმე საინტერესო ისტორია საქართველოს ნაკრებზე, როდესაც ევრო 2024-ზე იყავით.
- არ შემიძლია მხოლოდ ერთი მომენტის არჩევა. ეს იყო დაუვიწყარი ზაფხული, სავსე წარმოუდგენელი მომენტებით. საოცარი თავგადასავალი იყო და სამომავლოდ მინდა, რომ ჩემს ქვეყანას კიდევ ბევრი ასეთი თავგადასავალი ვაჩუქოთ. იმედი მაქვს, ნაკრებს კიდევ ბევრ წარმატებაში დავეხმარები.
- ეს იყო ისტორიული მომენტი თქვენი ნაკრებისთვის, რადგან 1/8 ფინალში ითამაშეთ. ფიქრობ, რომ საფეხბურთო სამყარომ საბოლოოდ დაინახა თქვენი გუნდის ხარისხი?
- ვფიქრობ, ჩვენ ძალიან კარგად წარმოვაჩინეთ საკუთარი თავი და ჭეშმარიტად დავაფიქსირეთ ჩვენი სახელი საფეხბურთო რუკაზე. ყველამ კარგად გაგვიცნო, რადგან ეს იყო ჩვენი პირველი დიდი ტურნირი და ყველამ დაინახა ჩვენი ძლიერი მხარეები. ვფიქრობ, ჩვენ ბევრი არაქართველი გულშემატკივარი შევიძინეთ.
- თქვენ და თქვენმა თანაგუნდელებმა ღირსების ორდენი მიიღეთ. როგორი გრძნობა გქონდეთ ასეთი ჯილდო?
- ეს ძალიან კარგი ჟესტი იყო. ვამაყობ, რომ ასეთი ჯილდოს მფლობელი ვარ.
- საქართველოში ფეხბურთი აშკარად ძალიან უყვართ, თქვენ საოცარი მხარდამჭერები გყავთ. გიჭირს სამშობლოში თავისუფლად გადაადგილება?
- თითქმის ყველგან მცნობენ და მაჩერებენ. სადაც არ უნდა წავიდე, უბრალო მაღაზიაშიც კი, ყველა მამჩნევს და ჩემთან მოდის. თუმცა, არ მინდა ეს ცუდად გამოჩნდეს, თითქოს ამით უკმაყოფილო ვარ, არა, ეს ასე არაა. სადაც არ უნდა წავიდე, ადამიანებისგან უდიდეს სითბოს ვგრძნობ და მიყვარს გულშემატკივრებისგან ასეთი ენერგიის მიღება. ქართველები ძალიან თბილი ხალხი ვართ და სიყვარულიც გამორჩეულად შეგვიძლია. ადრეც ვთქვი და კიდევ გავიმეორებ, როცა შენს ხალხს ასე უყვარხარ, ეს დიდ ენერგიას და მოტივაციას გაძლევს.
- შენ ასევე დიდი პოპულარობით სარგებლობ უოტფორდის გულშემატკივრებში. მათ სიმღერაც კი მოგიძღვნეს. იცი თუ არა ამ სიმღერის შესახებ და რომ გვითხრა, რა გრძნობაა ფანების მიერ შესრულებულის მოსმენა?
- დიახ, ამ სიმღერის შესახებ, რა თქმა უნდა, ვიცი. ეს სიმღერა ძალიან მიყვარს და იმდენად მიმზიდველია, რომ ხანდახან მეც კი ვმღერი ხოლმე.
- როგორ დამკვიდრდი ინგლისში? როგორ მოგწონ აქ ცხოვრება?
- უკვე წელიწადზე მეტია, რაც აქ ვარ, ამიტომ შემიძლია იმის თქმა, რომ ადაპტაცია უკვე გავიარე. ძალიან შემიყვარდა ეს ქვეყანა, აქაურობას ჩემს მეორე სახლად მივიჩნევ.
- რა არის ერთი რამ ინგლისურ კულტურაში, რომელიც ყველაზე მეტად მოგეწონა, მას შემდეგ, რაც აქ გადმოხვედი?
- ყველაზე მეტად მომწონს მათი მიდგომა მუშაობისადმი – ვფიქრობ, რომ გამორჩეული და განსაკუთრებულია.
- მადლობა გიორგი, რომ დღე დაგვითმე და საინტერესოდ ვისაუბრეთ. სანამ დავასრულებთ, ჩვენ გვაქვს ერთი ბოლო კითხვაც – გასინჯეთ Fish and Chips?
- დიახ! და, ჩემდა გასაკვირად, ძალიან მომეწონა!
- დიახ! და, ჩემდა გასაკვირად, ძალიან მომეწონა!
