საქართველოს ნაკრებთან მატჩამდე ერთი დღით ადრე, თურქეთის ნაკრების მთავარმა მწვრთნელმა ვინჩენცო მონტელამ ნაკრების მეკარე ბერკე ოზერი დასაჯა.
საქმე იმაშია, რომ სანაკრებო შეკრების დროს, ოზერმა შეკრება ისე დატოვა, რომ არავისთვის არაფერი უთქვამს, რაზეც მონტელამ კრიტიკული კომენტარი გააკეთა.
"ყოველთვის ვამბობთ, რომ ნაკრები არის ოჯახი, მაგრამ მხოლოდ ლაპარაკი არ არის, ეს საქციელებითაც უნდა გამოხატო. ფეხბურთელები ეროვნულ ნაკრებში მოსახვედრად ბევრს იბრძვიან.
ჩემი მოვალეობაა, რომ საუკთესოები შევარჩიო და ნაკრებში გამოვიძახო. ამაზე პასუხისმგებლობას ყოველთვის მე ვიღებ, რადგან გადაწყვეტილება ჩემია.
როცა ფეხბურთელი შეკრებაზე შემოდის, უნდა აცნობიერებდეს, რომ თავისი ქვეყნის სახელით თამაშობს და მეტი პასუხისმგებლობა მართებდეს. როცა შეკრებას გაუფრთხილებლად ტოვებ, ამას ახსნა არ აქვს", - განაცხადა მონტელამ.
