ასაკის მიხუედავად, რონალდუ ალ ნასრის რიგებში კვლავ აგრძელებს გოლების გატანას. მიუხედავად იმისა, რომ კარიერის განმავლობაში მან უამრავი რეკორდი დაამყარა და ბევრი ტიტული მოიგო, 3 შეუსრულებელი მისია დარჩა.
პირველი მიზანი 1000 კარიერულ გოლზე ასვლაა. ამჟამად მის ანგარიშზე 923 გატანილი ბურთია და დაახლოებით 3-4 სეზონი სჭირდება, რათა ამ ნიშნულზე ავიდეს.
იმასაც თუ გავითვალისწინებთ, რომ რონალდუ ნაკრებიდან წასვლას არ აპირებს, 1000 გოლიან ნიშნულზე ასვლის შანსები უფრო იზრდება.
მეორე მიზანი მსოფლიო ჩემპიონატის მოგებაა, თან იმის ფონზე, რომ მისმა მთავარმა კონკურენტმა ლეო მესიმ ეს ოცნება აისრულა და 2022 წელს, არგენტინასთან ერთად ყველაზე პრესტიჟული თასი ასწია.
"მსოფლიო ჩემპიონატამდე წელიწადნახევარია დარჩენილი, იქამდე დიდი დროა და არავინ იცის რა მოხდება, თუმცა ამ ტურნირზე თამაშზე უარს არავინ იტყოდა", - განაცხადა რონალდუმ.
თუ რაიმე არ შეიცვალა, ახლანდელი სიტუაციით, რონალდუ მსოფლიო ჩემპიოანტისთვისაც სრულად მზად უნდა იყოს, თან პორტუგალია შემადგენლობიდან გამომდინარე ერთ-ერთი ფავორიტი იქნება.
კრიშტიანოს მესამე მისია მსოფლიო ფეხბურთში უპრეცედენტო მოვლენის დაფიქსირება და თავის შვილთან ერთად ერთ გუნდში თამაშია. რონალდუ ამ მიზანთანაც ახლოსაა, რადგან რონალდუ ჯუნიორი ალ ნასრის აკადემიის გუნდში კარგ მატჩებს ატარებს, გოლს-გოლზე იტანს და უახლოეს წლებში დიდ გუნდში უნდა ველოდოთ.
40 წლის რონალდუმ თავისი ხასიათით კარიერაში აბსოლუტურად ყველა მიზანს მიაღწია და გასაკვირი არ იქნება, თუ კარიერის დასრულებამდე ამ 3 მისიასაც შეასრულებს.
