კლოდ მაკელელემ დაასახელა თანამედროვეობის ფეხბურთელი, ვინც მას რონალდო ნაზარიოს აგონებს. ლეგენდარული ნახევარმცველისთვის ასეთი მოთამაშე კილიან მბაპე არის. ფრანგმა ექს-შუახაზელმა აღნიშნა ისიც, რომ მისმა თანამემამულე ფორვარდმა ბალონ დ'ორიც უნდა მოიგოს.
"მინდა, რომ მბაპემ ოქროს ბურთი მოიგოს. დიახ, მართალია განვლილ სეზონში ის უტიტულოდ დარჩა რეალში, თუმცა მსოფლიო ჩემპიონატზე ძალიან კარგ თამაშს აჩვენებს. ის, რასაც კილიანი აკეთებს წლიდან წლამდე, მას რონალდოსთან აახლოვებს. ფენომენს ვეძახდით და ახალი თაობის ფენომენი სწორედ ფრანგი ფორვარდია.
დარწმუნებული ვარ, რომ რეალის თავდამსხმელი კიდევ არაერთხელ გაგვაოცებს. დიახ, ყველაზე ახლოს ნაზარიოსთან სწორედ ის არის", - განაცხადა მადრიდელთა ექს-შუახაზელმა. შეგახსენებთ, დღეს, საფრანგეთი მუნდიალის 1/2 ფინალში ესპანეთს დაუპირისპირდება.
