სოციალურ ქსელებს ვირუსულად მოედო კილიან მბაპეს ძალიან ძველი ინტერვიუ, რომლის ჩაწერის დროსაც ის 12 წლის იყო. მილანის მაისურში გამოწყობილი ფრანგი მომავალი ვარსკვლავი Le Figaro-სთან საუბარში ამბობს: "ისტორიას თუ გადავხედავთ, ჩვენი ქვეყნის საუკეთესო მოთამაშეები არიან ფერადკანიანები და არაბები, პლატინისა და კანტონას თუ არ ჩავთვლით".
საპირისპირო არგუმენტის მოძებნა რთულია, რადგან საფრანგეთის ნაკრების წარმატება პირველ რიგში სწორედ ემიგრანტებს უკავშირდება. "მამლებისთვის" შინაურ მუნდიალზე ჩემპიონობა პირველ რიგში უკავშირდებათ ისეთ მოთამაშეებს, როგორებიც არიან ზინედინ ზიდანი, მარსელ დესაი, ლილიან ტურამი, ტიერი ანრი, დავიდ ტრეზეგე და სხვები.
იგივე ითქმის 2000 წლის ევროპის ჩემპიონატზეც, სადაც "ლურჯებს" პრაქტიკულად იდენტური შემადგენლობა ჰყავდათ. რაც შეეხება თანამედროვე ეპოქას, დიდიე დეშამის გუნდისთვის ასევე საჩემპიონო რუსეთის მუნდიალზე შემადგენლობაში ემიგრანტთა შვილები ჭარბობდნენ. მადრიდის რეალის ფორვარდის გარდა, გამოსარჩევები იყვნენ პოლ პოგბა, რაფაელ ვარანი, სამუელ უმტიტი, ბლეს მატუიდი, უსმან დემბელე და სხვები.
იგივე ტენდენცია გვხვდება 2026 წლის მსოფლიო ჩემპიონატზეც. გამოსარჩევია ისიც, რომ საფრანგეთის ნაკრების ათიანის მიერ ხსენებული პლატინი და კანტონა ასევე ემიგრანტთა შვილები არიან. ორივე ლეგენდის წინაპრები იტალიელები იყვნენ.
Kylian Mbappé, at 12 years old, in 2011: "In history, the best (French soccer players) were Black and Arab, aside from Platini and Cantona." pic.twitter.com/3AlWmp0LGV
— Jude Heavenly 🇳🇬🇱🇷 (@JudeHeavenly) July 10, 2026
