26 მარტს, საქართველოს ნაკრები მიხეილ მესხის სახელობის სტადიონზე ამხანაგურ მატჩს ისრაელის წინააღმდეგ გამართავს.
მოახლოვებული მატჩის წინ კომენტარი ისრაელის ნაკრების მთავარმა მწვრთნელმა რან ბენ შიმონმა და ფეხბურთელმა ელი დასამ გააკეთა.
რან ბენ შიმონი: "ორივე ნაკრებისთვის ეს მატჩი მნიშვნელოვანია. მიუხედავად იმისა, რომ თამაში ამხანაგურია, ჩვენც და საქართველოც გამარჯვებისთვის ვიბრძოლებთ. ჩვენი მიზანია, რომ ახალი მოთამაშეები გამოვცადოთ და მომდევნო მატჩებისთვის სწორი სათამაშო სტილი ავარჩიოთ, რათა სასურველ შედეგებს მივაღწიოთ. როგორ უნდა შევაჩეროთ კვარა? - მის გარდა, საქართველოს ნაკრებს ბევრი კარგი მოთამაშე ჰყავს. კვარა დიდი მოთამაშეა, თუმცა სხვებსაც გამოვარჩევდი - დავითაშვილი, მიქაუტაძე."
ელი დასა: "ამ სიტუაციაში თამაშის ჩატარება ძალიან რთულია, თუმცა ჩვენ აქ ამისთვის ჩამოვედით. ოჯახის წევრებზე ძალიან ვნერვიულობ. იმედია, 90 წუთის განმავლობაში სიმშვიდე იქნება და ყველაფერი კარგად ჩაივლის. ჩვენი მიზანია, რომ ამ თამაშით ჩვენი მოქალაქეები ცოტათი მაინც გავახალისოთ. საქართველოსთან მატჩის მიზანია, რომ კარგად მოვემზადოთ შემდეგი თამაშებისთვის და გამოცდილება მივიღოთ. თბილისში თავს კარგად ვგრძნობთ, კარგი მეგობრული გარემოა და კმაყოფილები ვართ."
