როგორც რამდენიმე დღის წინ უკვე გაცნობეთ, კარლო ანჩელოტის მომავალი რეალ მადრიდში გადაწყვეტილია და იტალიელი სპეციალისტი სამეფო კლუბს აუცილებლად დატოვებს. კოპა დელ რეის ფინალში განცდილი მარცხის შემდეგ, გასარკვევი იყო თუ როდის დატოვებდა 65 წლის სპეციალისტი სანტიაგო ბერნაბეუს და ამასთან დაკავშირებით, ესპანეთიდან დადასტურებული ინფორმაცია უკვე გავრცელდა.
კარლო ანჩელოტი რეალ მადრიდს ლა ლიგის მიმდინარე სეზონის დასრულების შემდეგ დატოვებს. დადასტურებულად შეგვიძლია იმის თქმა, რომ მადრიდულ გრანდს მსოფლიოს საკლუბო ჩემპიონატზე იტალიელი სპეციალისტი აღარ გაწვრთნის. იმის მიუხედავად, რომ კარლო ანჩელოტის რეალში დარჩენა სურდა, ფლორენტინო პერესმა მისი გაშვება მაინც გადაწყვიტა. ამასობაში, ჩაბი ალონსოსთან მოლაპარაკებები გრძელდება. სამეფო კლუბში სჯერათ, რომ ესპანელ მწვრთნელთან შეთანხმება უახლოეს კვირებში შედგება.
რაც შეეხება კარლო ანჩელოტის მომავალს, თუ ყველაფერი გეგმის მიხედვით წავა, იტალიელი სპეციალისტი ბრაზილიის ეროვნულ ნაკრებს ივნისში ჩაიბარებს — მხარეებს შორის ახალი შეხვედრა მომდევნო კვირაშია დაგეგმილი, სადაც მოსალოდნელია, რომ საბოლოო შეთანხმება შედგება. "სელესაოში" სჯერათ, რომ იტალიელი საბოლოო თანხმობას უახლოეს კვირებში განაცხადებს.
