გიორგი ჩაკვეტაძის მოედანზე დაბრუნება ოფიციალურად გადაიდო. ქართველი ფეხბურთელის შესახებ ინფორმაციას უოტფორდი ავრცელებს, სადაც ირკვევა, რომ 25 წლის ნახევარმცველს ფეხის ძვლის ტრავმა კვლავ აწუხებს, რის გამოც დაახლოებით 6 კვირას იუქმებს.
შეგახსენებთ, გიორგი ჩაკვეტაძემ ფეხის თითზე ტრავმა გასული სეზონის მიწურულს მიიღო. იმის მიუხედავად, რომ რეაბილიტაციის კურსმა კარგად ჩაიარა, როგორც ჩანს დაზიანება გართულდა და ფეხბურთელის მოედანზე დაბრუნება დროებით გადაიდო.
ამ ტრავმის გამო, გიორგი ჩაკვეტაძე სექტემბერში, საქართველოს ეროვნულ ნაკრებს თურქეთთან და ბულგარეთთან მატჩებში ვერ დაეხმარება. ზემოხსენებული დაზიანები გამო, მიმდინარე სატრანსფერო ფანჯარაზე ქართველი ფეხბურთელის ტრანსფერიც გამოირიცხა.
