„ჯერჯერობით სიმშვიდე და სიწყნარეა. ხალხი ადაპტირებულია მუდმივ დაძაბულობას, აქედან გამომდინარე, ეს ყველაფერი აქ ჩვეულებრივ მოვლენად აღიქმება. იმ შემთხვევაში, თუ საპასუხო ქმედება განხორციელდება ისრაელისგან, რა თქმა უნდა, ვითარება დაიძაბება. ვიმედოვნებ, ეს ყველაფერი მასშტაბური კონფლიქტის გარეშე ჩაივლის.
ჩემპიონატს ჯერჯერობით არაფერი ემუქრება და არც რაიმე განსაკუთრებული სიფრთხილისკენ მოუწოდებიათ,“ - განაცხადა გიორგი გველესიანმა.
შეგახსენებთ, ქართველი ფეხბურთელი ირანში 2017 წელს გადავიდა. ამჟამინდელ გუნდ „პერსეპოლისს“ 2022 წელს შეუერთდა და ირანის ყველაზე ტიტულიან გუნდთან ერთად, ქვეყნის ჩემპიონი, თასისა და სუპერთასის გამარჯვებული გახდა.
შეგახსენებთ, გასულ ღამეს ირანმა ისრაელზე საჰაერო თავდასხმა განახორციელა. 2 ქვეყანას შორის ვითარება უკიდურესად მას შემდგე დაიძაბა, რაც ირანული მედიის ცნობით, პირველ აპრილს ისრაელმა ავიადარტყმა განახორციელა დამასკში, ირანის საელჩოსთან ახლოს მდებარე შენობაზე, რა დროსაც „ისლამური რევოლუციის გუშაგთა კორპუსის“ შვიდი წევრი დაიღუპა.
