როგორც მოგეხსენებათ, სომხეთთან მატჩში, დინამო არენაზე მომხდარი ინციდენტის გამო, როცა თამაშის დასრულების შემდეგ გულშემატკივრები მოედანზე შევარდნენ, უეფამ შესაძლოა საქართველოს ეროვნული ნაკრები დასაჯოს.
სასჯელი მოიცავს ფულად ჯარიმას და მომდევნო საშინაო მატჩების უმაყურებლოდ ჩატარებას, რაც განხილვის ქვეშაა.
LaGazzetta.ge-ს ინფორმაციით, ამჟამინდელი მდგომარეობა ასეთია - უეფა იმ აზრზეა, რომ საქართველო ფულადი ჯარიმითა და ერთი საშინაო მატჩის უმაყურებლოდ ჩატარებით დასაჯოს. ასევე, განიხილებოდა, რომ დისკვალიფიკაცია 2-მატჩიანი ყოფილიყო.
ქართული მხარე უეფასთაბ აქტიურ კომუნიკაციაშია, რათა მათი ამჟამინდელი გადაწყვეტილება შეიცვალოს და სასჯელი მხოლოდ ფულადი იყოს. თუ უეფა გადაწყვეტილებას არ შეცვლის, როგორც ზემოთ აღვნიშნეთ, სასჯელი ასეთი იქნება - ფულადი ჯარიმა და 1 მატჩის უმყურებლოდ ჩატარება. საბოლოო პასუხი 9 აპრილს გახდება ცნობილი.
შეგახსენებთ იმასაც, რომ საქართველოს ნაკრები მომდევნო საშინაო ოფიციალურ მატჩებს სექტემბრის თვეში, თურქეთისა და ბულგარეთის წინააღმდეგ ჩაატარებს.
იტვირთება…
