ორი ტურის შემდეგ საქართველოს ეროვნულ ნაკრებს 1 ქულა აქვს და F ჯგუფში ბოლო ადგილზეა, თუმცა ბოლო მატჩის წინ 1/8 ფინალში გასვლის შანსს ინარჩუნებს.
იმ შემთხვევაში თუ "ჯვაროსნები" ბოლო ტურში პორტუგალიას დაამარცხებენ, პლეიოფის საგზურს გაიფორმებენ, მაგრამ შესაძლოა, 1/8 ფინალისთვის ფრეც საკმარისი იყოს — ამისთვის რამდენიმე პირობა უნდა შესრულდეს.
საქართველოს ნაკრები 1/8 ფინალში 2 ქულით რომ გავიდეს საჭიროა დღეს დანიამ სერბეთი დაამარცხოს, ხოლო ინგლისმა სლოვენიას 3-ბურთიანი უპირატესობით მოუგოს. გარდა ამისა, ხვალ F ჯგუფის შეხვედრაში ჩეხეთი თურქეთთან უნდა დამარცხდეს.
შეგახსენებთ, რომ საქართველოსა და პორტუგალიის მატჩი ხვალ, გელზენკირხენში ველტინს-არენაზე გაიმართება და თბილისის დროით 23:00 საათზე დაიწყება.
