საფრანგეთთან გასამართი მატჩის წინ კომენტარი საქართველოს 21-წლამდელთა მთავარმა მწვრთნელმა რამაზ სვანაძემ გააკეთა.
"პოლონეთთან მოგებული მძიმე მატჩის შემდეგ, ძალები აღვიდგინეთ, მცირე დისკომფორტი არის, მაგრამ ფეხბურთელებს სერიოზული ტრავმები არ აქვთ და მზად ვართ საფრანგეთთან სათამაშოდ.
თითოეული ფეხბურთელი ასეთი დონის ნაკრებთან პირველად თამაშობს. ყველას გააზრებული გვაქვს, თუ რა ნაკრებთან გვიწევს თამაში. საფრანგეთი საკმაოდ კარგად დაბალანსებული გუნდია. რა უნდა დავუპირისპიროთ მათ? - გუნდური თამაში. ყველა ეპიზოდში მაქსიმალური კონცეტრაციაა საჭირო, რადგან ასეთი ნაკრები შეცდომებს არ გპატიობს.
ქართველების სათამაშო სტილი ბურთის კონტროლია, არ ვიცი საფრანგეთთან ეს რამდენად გამოვა, მაგრამ მაქსიმალურად უნდა ვეცადოთ ბურთი ჩვენ გვქონდეს. საჭიროების შემთხვევაში, კონტრ-შეტევაზეც ვითამაშებთ", - განაცხადა სვანაძემ.
