ოფიციალური დასკვნით, მარადონას გარდაცვალების მიზეზი, დღემდე უცნობია, თუმცა 8 ადამიანია ეჭვმიტანილი.
მათ ბრალი ედებათ იმაში, რომ მარადონას ცუდად ყოფნის დროს, სათანადო ყურადღებას არ აქცევდნენ და სხვანაირად რომ მოქცეულიყვნენ, დიეგოს სიცოცხლის გადარჩენის შანსი იქნებოდა.
ამასთანავე, ვრცელდება ახალი დეტალი - ერთ-ერთმა ექიმმა, რომელიც მარადონას მკურნალობაში იყო ჩართული, ფეხბურთის ლეგენდას დაალევინა პრეპარატი, რომელიც ორგანიზმმა ვერ მიიღო. ვარაუდობენ, რომ მარადონას ინტოქსიკაცია დაემართა.
ვარაუდის მიზეზი მარტივია - მოგეხსენებათ, მარადონა ხშირად იღებდა ნარკოტიკულ ნივთიერებებს, მათ შორის კოკაინს.
ექიმების მიმართ საქმე იმაზეც აღიძრა, რომ გარდაცვალების შემდეგ, ექსპერტიზამ მარადონას 500 გრამი შარდი აიღო ანალიზისთვის. ანალიზებზე კი მხოლოდ 24 გამოიყენეს, რაც ზუსტი დასკვნისთვის საკმარისი არ გამოდგა. სად გაქრა და რატომ დანარჩენი ნაწილი, არავინ იცის. შესაძლოა, ეს ექიმებმა თავიდან გამოძვრენინის მიზნით გააკეთეს.
