მატჩი საკმაოდ სანახაობრივი გამოვიდა, გავიდა ლამაზი გოლები და საბოლოოდ, შეხვედრა ფრედ 4:4 დასრულდა.
ქართველმა ლეგენდებმა მატჩი აქტიურად დაიწყეს და პირველივე ტაიმში 3 გოლი გაიტანეს. აქედან დუბლი ალექსანდრე იაშვილმა შეასრულა, ერთი ბურთი ალექსანდრე კობახიძის ანგარიშზეა.
3 გაშვებული ბურთის შემდეგ, ლატვიელები გააქტიურდნენ და ქართველთა კარში 4 გოლი გაიტანეს, რითიც წინ გავიდნენ და ყველაფერი იქითკენ მიდიოდა, რომ თამაშიც უნდა მოეგოთ.
თუმცა, ბოლო წუთზე ლატვიელთა კარის მიმართულებით პენალტი დაინიშნა, რომელიც ზუსტად ქუთაისის ტორპედოს ლეგენდამ, ზურაბ იონანიძემ შეასრულა და საბოლოო ანგარიში დააფიქსირა.
