ერთა ლიგის მეორე ტურში საქართველოს ეროვნულმა ნაკრებმა ალბანეთი გასვლაზე 0:1 დაამარცხა — გამარჯვების გოლი გიორგი ქოჩორაშვილმა გაიტანა, რომელმაც შეხვედრის შემდეგ კომენტარი გააკეთა.
"პირველ რიგში, მადლობა მინდა გადავუხადო ყველას, ვინც სტადიონზე მხარს გვიჭერდა და ტელევიზორიდან გვქომაგობდა. დღეს ჩვენ გამარჯვება შევძელით, თუმცა, ამაზე არ გავჩერდებით. 1 თვეში უფრო ძლიერები უნდა დავბრუნდეთ, რათა უკრაინა დავამარცხოთ."
"ჩემი პოზიციიდან გამომდინარე, ბავშვობაში ვინმეს რომ ეთქვა, რომ ნაკრებში გოლებს გავიტანდი, არ დავუჯერებდი, მაგრამ არასდროს არ უნდა დანებდე და შენი თავის დაიჯერო. მადლობა ღმერთს, რომ ეს დღე დადგა. მე და ჩემი გუნდელები ამაზე არ გავჩერდებით. ახლა ძალები უნდა აღვიდგინოთ, კლუბებში კარგად უნდა ვითამაშოთ და შემდეგ დავბრუნდეთ ქართველი ხალხის გასახარებლად."
"გოლის აღნიშვნა? კაპიტან ამერიკას რთული ბავშვობა ჰქონდა, მაგრამ შეუპოვარი იყო და ამით ვგავარ მას. პატარაობაში სუსტი ვიყავი და ყველა მეუბნებოდა, რომ მაღალ დონეზე თამაშს ვერ შევძლებდი. მე კი ჩემი შეუპოვრობით, პირველ რიგში, ჩემს თავს და შემდეგ ყველას დავუმტკიცე, რომ ძლიერი ვარ და წინსვლას გავაგრძელებ."
211395211399211400
