დღეს გაიმართება ევროპის 21-წლამდე ჩემპიონატის ჯგუფური ეტაპის ბოლო ტურის შეხვედრა საქართველოსა და პორტუგალიის ნაკრებებს შორის.
ბოლო ტურის წინ, რამაზ სვანაძის გუნდს შანსი აქვს, მორიგი ისტორია დაწეროს და ჯგუფიდან გავიდეს. ამისთვის პორტუგალიასთან მხოლოდ გამარჯვება გვჭირდება.
საფრანგეთთან გამარჯვების შემთხვევაში, ჩვენი ახალგაზრდები ჯგუფიდან ოფიციალურად გავიდოდნენ, თუმცა ბოლო წუთებზე 2 სანანანი გოლი გაუშვეს და დამარცხდნენ.
წინა ახალგაზრდულ ევროპის ჩემპიონატზე საქართველომ პორტუგალია დაამარცხა და ჯგუფიდანაც გავიდა, დიდების ევროპის ჩემპიონატზე 1/8 ფინალის საგზური სწორედ პორტუგალიასთან გამარჯვებით მოვიპოვეთ, ამჯერადაც ჩვენი ისტორიის წერის მთავარი სამიზნე პორტუგალიაა.
უდიდესი ალბათობით, დღევანდელ მატჩში საბა საზონოვი გამოტოვებს, რომელმაც საფრანგეთთან ტრავმა მიიღო და წინა დღეებში გუნდთან ერთადაც არ უვარჯიშია.
რამაზ სვანაძე (საქართველოს ნაკრების მწვრთნელი): "ეს მატჩი რა ანგარიშითაც არ უნდა დასრულდეს, შემიძლია ვთქვა, რომ ეს ნაკრები შედგა და ერთ-ერთი ყველაზე წარმატებული ასაკობრივი ნაკრები იყო ისტორიაში თავისი შედეგებით. თამაშს მატჩს რაც შეეხება, ყველაფერს გავაკეთებთ, რომ მორიგი ისტორია დავწეროთ და ჯგუფური ეტაპი დავძლიოთ. აქედანაც მინდა მოვუწოდო ბიჭებს და ვთხოვო, რომ რაც არ უნდა მოხდეს, მათგან მოედანზე უნდა დავინახო ბრძოლა და იგივე შემართება, რაც ამ 2.5 წელიწადში ვქონდა, დანარჩენს თამასი გვაჩვენებს"
რუი ხორხე (პორტუგალიის ნაკრების მწვრთნელი): "საქართველოს ნაკრები საკმაოდ ძლიერი გუნდია, ისინი ყველა მატჩში მინიმუმ ერთ გოლს იტანენ და მხოლოდ დაცვაში არ თამაშობენ. ვფიქრობ, ბურთთან დიდი ხანი უნდა გავატაროთ და ჩვენი თამაში ჩავატაროთ. მათთან წინა ევროპის ჩემპიონატზე დავმარცხდით, ახლა კი იგივე მწვრთნელი ჰყავთ, ფაქტობრივად იგივე დონის მოთამაშეები და მაღალ დონეს ეს თაობაც ინარჩუნებს. ვაფასებ მათ ბოლომდე ბრძოლას, რომელსაც ყველა თამაშში გვთავაზოვენ და რთული თამაში გველის"
საქართველო - პორტუგალია
ევროპის 21-წლამდე ჩემპიონატი, ჯგუფური ეტაპი
17 ივნისი, 20:00
სიჰოტი, ტრენჩინი (სლოვაკეთი)
მთავარი მსაჯი: ელჩინ მასიიევი (აზერბაიჯანი)
საქართველოს ნაკრების სავარაუდო შემადგენლობა: ხარატიშვილი, მაისურაძე, იაკობიძე, ხვადაგიანი, აზაროვი, გაგნიძე, ლომინაძე, სიგუა, აბუაშვილი, კვერნაძე, ოდიშარია
