ალბისელესტე ტიტულის დაცვას შეეცდება - ლიონელ სკალონის გუნდი ტურნირზე საკმაოდ ძლიერი შემადგენლობით არის წარმოდგენილი. ამას ისიც ემატება, რომ არგენტინამ ბოლო 4 ჩატარებული ამხანაგური მატჩიდან, ყველა მოიგო და კოპა ამერიკას საკმაოდ კარგ ფორმაში ხვდება.
"არგენტინა ყოველთვის ფავორიტია. ვფიქრობ, ეს იქნება ძალიან საინტერესო ტურნირი, რადგან ეროვნული ნაკრებები სულ უფრო და უფრო უკეთესები ხდებიან. დღეს ჩვენ საუკეთესოები ვართ, რადგან მსოფლიო ჩემპიონატი მოვიგეთ, მაგრამ წლევანდელი კოპა ამერიკა რთული იქნება, ჩვენ ვსაუბრობთ სულ სხვა ტურნირზე“, - ლიონელ მესი.
რაც შეეხება კანადას, ჯესი მარშის გუნდი არც ისე კარგ ფორმაშია. ბოლო ორი ჩატარებული ამხანაგური მატჩიდან, გუნდმა ვერც ერთის მოგება ვერ მოახერხა, თუმცა შემადგენლობა კანადასაც საკმაოდ ძლიერი ჰყავს. „წითლებისთვის“ ეს სადებიუტო კოპა ამერიკა იქნება, მარშის გუნდისთვის კი ისტორიული დღე.
„ჩვენ აღფრთოვანებული ვართ ამ ტურნირზე მონაწილეობით, ეს დიდი გამოწვევაა. კარგად ვიცით რა შეუძლია არგენტინის ნაკრებს, მსოფლიოში საუკეთესო გუნდს ვეთამაშებით, მაგრამ ჩემი ბიჭების მჯერა. ჩვენ სერიოზულად მოვემზადებით ამ ტურნირისთვის და არგენტინის არ გვეშინია“, - ჯესი მარში.
გუნდები ამ შეხვედრას თითქმის ბოლომდე მზად ხვდებიან. ერთადერთი გასარკვევია, ხერმან პეცელას ამბავი, რომელსაც მცირე დაზიანება აქვს, სხვა მხრივ, როგორც არგენტინაში, ისე კანადაშიც სათამაშოდ ყველა მზად არის.
არგენტინას და კანადას ერთმანეთის წინააღმდეგ ისტორიაში მხოლოდ ერთხელ უთამაშიათ, ისიც 2010 წელს, როდესაც ალბისელესტემ მეტოქე 5-0 გაანადგურა.
მატჩის მთავარი არბიტრი ხესუს ვალენსუელა (ვენესუელა) იქნება.
სავარაუდო შემადგენლობები:
