გუნდის წევრები აბიჯანიდან ბუაკეში გაემგზავრნენ 22:00 საათზე, ავიაკომპანია Air Cote d'Ivoire-ის რეისით, თუმცა ოსიმენი არ წავიდა მუცლის არეში დისკომფორტის გამო. ექიმებმა დაადასტურეს, რომ ის მათი მეთვალყურეობის ქვეშ იმყოფება. თუ ის გამოკეთდება ხვალ დილამდე (დღეს, რედ.), მაშინ საღამოს 5 საათისთვის, შეუერთდება ჯგუფის დანარჩენ წევრებს.
ხვალ, 7 თებერვალს, აფრიკის ერთა თასის ნახევარფინალში ნიგერია სამხრეთ აფრიკას დაუპირისპირდება. უდავო მამოძრავებელი ძალა აქამდე ლოკმენი იყო, მაგრამ ნაპოლის ფეხბურთელის არყოფნა მაინც იგრძნობა. უახლოეს საათებში, ტრავმის ხარისხის დადგენის შემდეგ, უნდა ველოდოთ სიახლეებს.
კასტელ ვოლტურნოში დაბრუნების პროგრამა კი უკვე შედგენილია. ერთა თასიდან გამოვარდნის შემთხვევაში, ოსიმენი ქალაქში პარასკევს საღამოს იქნება, მილანთან მატჩამდე ბოლო ვარჯიშის ჩასატარებლად. თუ ნიგერია ფინალში მოხვდა კოტ-დ'ივუარი-კონგოს დემოკრატიული რესპუბლიკის გამარჯვებულთან, თავდამსხმელი შემდეგი მატჩისთვის ჩამოვა.
ტურნირზე გამარჯვებამ, შეიძლება ერთი-ორი დღით გადადოს მისი დაბრუნება იტალიაში, რათა გამარჯვებით იზეიმოს. ამ სცენარში ნეგატიური აზრები ტრიალებს - 130 მილიონი ევროს საკითხი, რომელსაც პარი სენ-ჟერმენი მოამზადებს, თუ მბაპე მადრიდის რეალში გადასვლას გადაწყვეტს, მაგრამ ამაზე საუბარი ჯერ ადრეა.
Salvatore Malfitano © RCS MEDIAGROUP
