საქართველოს ეროვნული ნაკრები მსოფლიო ჩემპიონატის საკვალიფიკაციო ეტაპის მატჩებისთვის მზადებას 10 ნოემბერს დაიწყებს.
საკლუბო მატჩებში მიღებული ტრავმის გამო ესპანეთთან და ბულგარეთთან შეხვედრებში ეროვნულ ნაკრებს ვილიარელის ფორვარდი, გიორგი მიქაუტაძე და კრაკოვიას მცველი, ოთარ კაკაბაძე ვერ დაეხმარებიან. მათ ნაცვლად ვილი სანიოლმა ნაკრებში ლიმასოლის არისის ფორვარდი, გიორგი ქვილითაია, და უკრაინული ჩერკასის ფეხბურთელი, შოთა ნონიკაშვილი გამოიძახა.
მსოფლიო ჩემპიონატის საკვალიფიკაციო ეტაპის მატჩებს საქართველოს ნაკრები 15 ნოემბერს, დინამო არენაზე, ესპანეთთან და 18 ნოემბერს, სოფიაში, ბულგარეთის ნაკრების წინააღმდეგ გამართავს.
წყარო & ფოტო: Nakrebi.ge
