დადასტურებულად — ჯენარო გატუზომ იტალიის ეროვნული ნაკრების მთავარი მწვრთნელის პოსტი დატოვა! ამის შესახებ იტალიის ფეხბურთის ფედერაცია განცხადებას სულ რამდენიმე წუთში გააკეთებს.
მას შემდეგ, რაც "სკუადრა აძურა" ბოსნია და ჰერცეგოვინასთან მსოფლიო ჩემპიონატის პლეი-ოფში დამარცხდა, მოსალოდნელი იყო, რომ ჯენარო გატუზო იტალიის ნაკრებს დატოვებდა. სამწვრთნელო შტაბი დატოვა ჯანლუიჯი ბუფონმაც, რომელიც ჯენარო გატუზოს ერთ-ერთი მთავარი ასისტენტი იყო.
ჯენარო გატუზოს მსგავსად, მთავარი პოსტი დატოვა იტალიის ფეხბურთის ფედერაციის პრეზიდენტმა გაბრიელე გრავინამაც. ფედერაციაში ახალ პრეზიდენტს 22 ივნისს აირჩევენ, რის შემდეგაც გაირკვევა თუ ვინ ჩაიბარებს იტალიის ეროვნულ ნაკრებს.
