"სხვა მოლოდინი მქონდა. რთულია იმის გაცნობიერება, რომ ყველაფერი სხვაგვარად იქნება. მესმის, მწვრთნელის გადაწყვეტილებას უნდა ვცე პატივი, თუნდაც იმ შემთხვევაში, თუ არ ვეთანხმები. არ ვმალავ იმ ფაქტს, რომ ევრო 2024-ზე თამაში მინდოდა. უნდა შევეგუო, სხვა გზა უბრალოდ არ მაქვს", - განაცხადა გერმანელმა კარის დარაჯმა.
მიუნხენის ბაიერნის კაპიტნის პასუხმა არ დააყოვნა - "ცნობილი ფაქტია, თუ როგორი კონკურენციაა მეკარის პოზიციაზე. მწვრთელი ორ კიპერს მოედანზე ვერ გამოიყვანს. ტერ შტეგენმა ეს ყველაფერი კარგად იცის. ის უმაღლესი კლასის კარის დარაჯია, მაგრამ სათადარიგოთა სკამზე ჯდომა ჩვენი საქმის ნაწილია", - განაცხადა გერმანელმა გოლკიპერმა.
როგორც გვახსოვს, 2020 წლის ევროპის ჩემპიონატის წინ, მსგავსი სიტუაცია იყო. მარკ-ანდრე - "ყოველთვის მაქსიმუმს ვაკეთებ, თუმცა ლიოვის გადარწმუნებას მაინც ვერ ვახერხებ. ძალიან მძიმე დარტყმაა ეს ყველაფერი ჩემთვის", - აცხადებდა გერმანელი კარის დარაჯი, რომელსაც თანამემამულემ იმ დროს უპასუხა შემდეგნაირად:
"გუნდური ფეხბურთელი ვარ და ყოველთის ვფიქრობ იმაზე, რომ კოლექტივს არ ვავნო. ვფიქრობ, ტერ შტეგენის კომენტარები ნაკრებზე დადებით გავლენას არ მოახდენს. მარკ-ანდრეს გარდა, ვერ თამაშობენ ლენო და ტრაპიც, მაგრამ ასეთია ფეხბურთი. ყოველთვის იქნება ისეთი ფეხბურთელი, რომელიც ვერ ითამაშებს და უკმაყოფილო დარჩება", - აცხადებდა გერმანელი კარის დარაჯი.
"რეკორდმაისტერის" კაპიტანი "მანშაფტში" თამაშობს 2009 წლიდან და მან 119 შეხვედრის ჩატარება მოასწრო. ის ნაკრების სასტარტოში ყველა დიდ ფორუმზე იდგა. ბარსელონას კარის დარაჯი ეროვნულ გუნდში თამაშობს 2012 წლიდან და მან ამ დროისთვის 40 მატჩის ჩატარება მოასწრო.
