ნეაპოლელებმა ანგარიში პირველივე წამებზე გახსნეს, თავი მაკტომინაიმ გამოიჩინა, თუმცა კომომ ანგარიში პირველივე ტაიმში გაათანაბრა.
მეორე ნახევარში ნაპოლიმ მოუმატა, რის შედეგადაც პენალტი ლუკაკუმ გაიტანა, საბოლოო ანგარიში კი შეცვლაზე შემოსულმა დავიდ ნერეშმა დააფიქსირა.
ძირითად შემადგენლობაში იყო ხვიჩა კვარაცხელია, რომელმაც თამაში რამდენჯერმე გაამწვავა. ერთ ეპიზოდში ის საჯარიმოში წააქციეს და თერთმეტმეტრიანის დანიშვნასაც ითხოვდა, თუმცა მსაჯმა სხვაგვარი გადაწყვეტილება მიიღო.
8 ტურის შემდეგ, ნაპოლის 16 ქულა აქვს და სანაკრებო პაუზის წინ, სერია ა-ს ერთპიროვნული ლიდერია.
