მილანის ლეგენდარულმა ნახევარმცველმა, რუდ გულიტმა ნიდერლანდების ნაკრების შესახებ ისაუბრა. ვეტერანმა აღნიშნა, რომ მისი ქვეყნის ეროვნულ გუნდს ტონი კროოსის მსგავსი მოთამაშე სჭირდება. მან ასევე ისაუბრა ფრენკი დე იონგის შესახებ და აღნიშნა, რომ მას გერმანელ შუახაზელამდე ბევრი უკლია.
"ნიდერლანდების ნაკრები დაკომპლექტებულია კარგი ფეხბურთელებით, თუმცა ჩვენ გვაკლია ისეთი შემსრულებლები, რომლებიც შეხვედრის მიმდინარეობაში გადამწყვეტ როლს ითამაშებენ. ასეთი არის კროოსი, მისი მსგავსი მოთამაშე "ნარინჯისფრებს" არ ჰყავთ. ბევრს საუბრობენ დე იონგის შესახებ, მაგრამ რის საფუძველზე?
არ მსიამოვნებს ამის თქმა, თუმცა ფაქტია, რომ ფრენკი არ არის ისეთი ლიდერი, როგორიც ტონია. განვლილ მსოფლიო ჩემპიონატზე ის საერთოდ არ ჩანდა. მინდა, რომ ბარსას შუახაზელი იყოს უფრო თავდაჯერებული და გაბედული", - განაცხადა "როსონერის" ლეგენდარულმა გამთამაშებელმა თანამემამულის შესახებ.
27 წლის ნახევარმცველის პასუხმა არ დააყოვნა:
"ყველას აქვს საკუთარი აზრის დაფიქსირების უფლება, თუმცა პირადად მე, მიმაჩნია, რომ ჩემს თამაშს თავდაჯერება არ აკლია. ბევრი ადამიანი ამჩნევს მხოლოდ გატანილ ბურთებსა და ასისტებს, რაც არასწორია. ბევრ შედეგიან ქმედებას არც კროოსი აკეთებს", - განაცხადა კატალონიური კლუბის 21-ე ნომერმა.
