2026 წლის მსოფლიო ჩემპიონატის დაწყებამდე სულ რაღაც 3 დღე რჩება, ეროვნული ნაკრებები კი მოსამზადებელი ეტაპის ბოლო ფაზაში იმყოფებიან. LaGazzetta.ge-ზე ახალი რუბრიკა გრძელდება, რომლის ფარგლებშიც მსოფლიო ჩემპიონატის ფავორიტი და წამყვანი ნაკრებების სავარაუდო სასტარტო შემადგენლობებს გაგაცნობთ.
ამ სტატიაში გერმანიის ნაკრების სავარაუდო სასტარტო XI ფეხბურთელზე ვისაუბრებთ. როგორც ჩვენთვის ცნობილია, იულიან ნაგელსმანი 4-2-3-1 სათამაშო სქემის გამოყენებას გეგმავს და, არსებული ინფორმაციით, სასტარტო შემადგენლობაზეც თითქმის საბოლოოდ არის ჩამოყალიბებული.
გერმანია (4-2-3-1): მანუელ ნოიერი/ოლივერ ბაუმანი, იოზუა კიმიხი, ჯონათან ტა, ანტონიო რიუდიგერი/ნიკო შლოტერბეკი, დავიდ რაუმი, ალექსანდარ პავლოვიჩი, ფელიქს ნმეჩა, ლეროი ზანე, ჯამალ მუსიალა, ფლორიან ვირცი, კაი ჰავერცი.
თუ მანუელ ნოიერი ფიზიკურ კონდიციებს დროულად აღიდგენს, გერმანიის ნაკრების პირველი ნომერი სწორედ ის იქნება, წინააღმდეგ შემთხვევაში კი ბუნდესნაკრების კარს ოლივერ ბაუმანი დაიცავს.
რაც შეეხება დაცვის ხაზს, ჯონათან ტა სასტარტო შემადგენლობაში ხელშეუხებელია, ხოლო ანტონიო რიუდიგერი და ნიკო შლოტერბეკი სათამაშო დროს ერთმანეთში გაიყოფენ.
ნახევარდაცვის ცენტრში იულიან ნაგელსმანის მთავარი ფავორიტი ფელიქს ნმეჩაა, თუმცა მნიშვნელოვან სათამაშო დროს ლეონ გორეცკა და პასკალ გროსიც მიიღებენ. 38 წლის სპეციალისტი გამოცდილ ნახევარმცველებს სრულ ნდობას უცხადებს.
