მატჩის შემდეგ კომენტარი საქართველოს ნაკრების მთავარმა მწვრთნელმა ვილი სანიოლმა გააკეთა.
"პირველი ტაიმის საწყისი წუთები ისეთი ცუდი იყო, რომ ვერაფერს ვიტყვი. პირველ რიგში, აგრესიულობა გვაკლდა, რითიც უკრაინელებმა ისარგებლეს და გაგვიტანეს. მიუხედავად იმისა, რომ მეტოქეს საბოლოო ჯამში ვაჯობეთ, როცა თამაშს ასე ცუდად იწყებ, მსგავსი შედეგი მოულოდნელი არ არის. გამოსაფხიზებლად კარგი გაკვეთილია.
იმ წარმატებული მატჩების შემდეგ, ცოტა მოვეშვით. სულ ვიძახი, რომ ჩვენთვის ყველა თამაში მნიშვნელოვანია და ყველა მატჩს ფინალის ტოლფასად უნდა მივუდგეთ.
რასაც აქამდე მივაღწიეთ, ჩვენი მებრძოლი სულის დამსახურებაა. ეს ყველაფერი კი დღეს დაგვაკლდა. ტოპ ნაკრებები არ ვართ, რომ ყველა თამაში მაღლი კლასის ხარჯზე მოვიგოთ", - განაცხადა სანიოლმა.
