სექტემბრის თვეში საქართველოს ნაკრები მსოფლიო ჩემპიონატის საკვალიფიკაციო ეტაპზე ჩართვება და პირველ ორ შეხვედრას საკუთარ მოედანზე ჩაატარებს.
4 სექტემბერს, ჩვენი ნაკრების მეტოქე თურქეთი იქნება, 7 სექტემბერს კი ბულგარეთს დავუპირისპირდებით.
უახლოეს მომავალში ცნობილი იქნება იმ ფეხბურთელთა სია, რომელთაც მოახლოვებული მატჩებისთვის უნდა ველოდოთ.
ახალი სახეები ნაკლებად იქნებიან, თუმცა მთავარი, ვის ხილვასაც ნაკრებში უნდა ველოდოთ, ნოდარ ლომინაძეა, რომელმაც 21-წლამდელთა ევროპის ჩემპიონატზე ბრწყინვალედ ითამაშა.
ლომინაძემ ცოტა ხნის წინ კარიერული პროგრესი განიცადა და პორტუგალიურ ეშტორილში გადავიდა, სადაც სადებიუტო შეხვედრა უკვე ჩაატარა.
იმის ფონზე, რომ ნაკრებს გიორგი ჩაკვეტაძე გამოაკლდება, ლომინაძის გამოძახების შანსები კიდევ უფრო იზარდება.
ირაკლი აზაროვის სათამაშო დროის სიმცირის გამო, შესაძლოა ვილი სანიოლმა ნაკრებში საბა ხარებაშვილსაც უხმოს. ხარებაშვილი დინამო თბილისის მარცხენა მცველია. ის სტაბილურად თამაშობს და ივნისის სანაკრებო პაუზაზე სანიოლს უკვე ჰყავდა გამოძახებული.
საინტერესოა, როგორი იქნება ნაკრების დაცვის ხაზი, რადგან ამ პოზიციაზე ბევრი უთამაშებელი ფეხბურთელია და არჩევანის გაკეთება რთული იქნება.
ივნისის სანაკრებო პაუზაზე ნიკა გაგნიძემაც ითამაშა, რომელსაც სათამაშო პრაქტიკა აქვს, უკრაინის ჩემპიონატში სტაბილურად თამაშობს და სექტემბერში მასაც უნდა ველოდოთ.
როგორც ზემოთ აღნიშნეთ, მთავარი კანდიდატი, ვისაც სანიოლი ნაკრებში პირველად უხმობს, სწორედ ლომინაძეა.
