უკვე ოფიციალურად შეგვიძლია იმის თქმა, რომ ოქტომბრის სანაკრებო მატჩებისთვის მზადების ეტაპი დაიწყო. ფეხბურთელები ეროვნულ ნაკრებებს უახლოეს საათებში შეუერთდებიან, მიმდინარე კვირის ბოლოსთვის კი მსოფლიო ჩემპიონატის საკვალიფიკაციო ეტაპზე მორიგ მატჩებს ჩაატარებენ.
როგორც მოგეხსენებათ, საქართველოს ეროვნულ ნაკრებს მიმდინარე თვეში ორი ურთულესი დაპირისპირება ელოდება. ვილი სანიოლის გუნდი 11 ოქტომბერს ესპანეთს, ხოლო 14 ოქტომბერს თურქეთს დაუპირისპირდება. ჩვენი ნაკრები ორივე მატჩს გასვლაზე ჩაატარებს.
ესპანეთი მიმდინარე სანაკრებო პაუზას საკმაოდ დიდი დანაკლისით ხვდება. ლუის დე ლა ფუენტემ ლამინ იამალის შემდეგ კიდევ ერთი ლიდერი დაკარგა, კერძოდ როდრი, რომელმაც პრემიერ ლიგის ბოლო ტურში ტრავმა მიიღო და როგორც პეპ გვარდიოლამ განაცხადა, 29 წლის ნახევარმცველი ეროვნულ ნაკრებს არ შეუერთდება და რეაბილიტაციის პროცესს ინგლისში გაივლის.
