ამ შეხვედრაში გამორჩეული ლუიშ ფიგუ იყო, რომელმაც დუბლი გაიფორმა და კარგი თამაში შემოგვთავაზა.
მატჩის შემდეგ კომენტარები საქართველოს ნაკრების ვეტერანმა მოთამაშეებმა - თემურ ქეცბაიამ და ალექსანდრე იაშვილმა გააკეთეს.
ალექსანდრე იაშვილი:
"მოედანზე დაბრუნება ძალიან მაგარია და საოცარი განცდაა, მაგრამ ფეხბურთს იმიტომ თამაშობ, რომ მოიგო. სამწუხაროდ, ჩვენ წავაგეთ, თუმცა დარწმუნებული ვარ, მაყურებელი ნასიამოვნები და კმაყოფილი წავიდა სახლში. მოწინააღმდეგე გუნდიდან ლუიშ ფიგუ მოედანზე საუკეთესო იყო."
თემურ ქეცბაია:
"თამაშმა კარგად ჩაიარა და ჩანს, რომ ამ პროექტს კარგი მომავალი აქვს. შემდეგ მატჩებში უფრო მომზადებულები ვიქნებით. მადლობა გულშემატკივარს, კარგი ატმოსფერო იყო. ეტყობოდა, რომ ხალხს მოენატრა კარგი ფეხბურთი და ის მოთამაშეები, რომლებიც წლების განმავლობაში საქართველოს ნაკრებში თამაშობდნენ. ფიგუმ 2 გოლი გაიტანა და საუკეთესო იყო".
