"ამ თემაზე საუბარი რომ მიწევს, ძალიან ცუდია. ადრიენს იუვენტუსთან კონტრაქტი ორი თვის წინ ამოეწურა და ამ დრომდე ახალი გუნდი ვერ მოძებნა. ვიცი, რომ მის დამატებას ბევრი კლუბი განიხილავდა და რა შეიცვალა არ ვიცი. მისი მდგომარეობა სამარცხვინოა, ის ნაკრებისთვის შეუცვლელი წევრია, მაგრამ სანამ ვარჯიშს არ დაიწყებს, იქამდე შეკრებაზე ვერ გამოვიძახებ.
იმედი მაქვს, ადრიენი სწრაფად შეძლებს ახალი კლუბის არჩევას და შემდეგ ჩვენთან დაბრუნებას."
2023/24 სეზონის დასრულების შემდეგ, ადრიენ რაბიო თავისუფალი აგენტი გახდა. 29 წლის ფეხბურთელის დამატებას მილანი, გალათასარაი და საუდის კლუბები ცდილობდნენ, თუმცა ფრანგთან შეთანხმებას ვერავინ მიაღწია. როგორც ცნობილია, რაბიოს აგენტი საკმაოდ დიდ ხელფასსა და საკომისიოს ითხოვს, რის გამოც ბევრი კლუბი რაბიოს დამატებაზე უარს ამბობს.
