ამსტერდამის აიაქსის ყოფილმა თავდამსხმელმა, ვიმ კიფტმა მემფის დეპაის შესახებ ისაუბრა. ვეტერანი შემტევის აზრით, ნიდერლანდების ეროვნულ გუნდში არსებული როლის თვალსაზრისით, კორინთიანსის ფორვარდი ისეთივე მნიშვნელოვანია, როგორიც ლიონელ მესი, კრიშტიანუ რონალდუ და კილიან მბაპე თავიანთი ქვეყნებისთვის.
"მემფისი ნიდერლანდებისთვის არის ისეთივე მნიშვნელოვანი ფეხბურთელი, როგორიც არის მესი არგენტინისთვის, რონალდუ პორტუგალიისთვის და მბაპე საფრანგეთისთვის. სამწუხაროა, დეპაი არასდროს ყოფილა ოპტიმალურ ფორმაში დიდი ტურნირების წინ, მაგრამ იმედია, ეს ყველაფერი წლევანდელ მუნდიალზე შეიცვლება.
ბარსელონას ყოფილ თავდამსხმელს ყოველთვის ჰქონდა განსაკუთრებული თვისებები და მჯერა, რომ მსოფლიო ჩემპიონატზე ის გაიბრწყინებს. სხვა შემთხვევაში, "ნარინჯისფერებს" შეტევაში სერიოზული პრობლემები ექნებათ. დიახ, ჩვენ გვყავს ბრობიც, მაგრამ ის კორინთიანსის მე-10 ნომრის დონეზე არაა", - განაცხადა ნიდერლანდელმა ექს-ფორვარდმა.
