დღეს, საქართველოს ეროვნული ნაკრები მორიგ ამხანაგურ შეხვედრას სტუმრად, ლიეტუვის ნაკრების წინააღმდეგ ჩაატარებს.
სამწუხაროდ, ჩვენმა ნაკრებმა წინა ამხანაგურ შეხვედრაში ვერ გაიმარჯვა და საკუთარ მოედანზე ისრაელთან ფრედ 2:2 ითამაშა, როცა კვარას დუბლით 2:0 იგებდა.
აღსანიშნავია, რომ საქართველოს ნაკრების უკვე ზედიზედ 5 მატჩია არ მოუგია და ამ ცუდი სტატისტიკის გამოსწორებას ვილი სანიოლის გუნდი დღეს შეეცდება.
როგორც მთავარი მწვრთნელი აცხადებს, შემადგენლობაში ცვლილებები იქნება. საქართველოს ნაკრებს ოთარ კიტეიშვილი გამოაკლდა, სამაგიეროდ, დაბრუნდა გიორგი ჩაკვეტაძე.
ჩაკვეტაძის დებიუტი 8 წლის წინ სწორედ ლიეტუვის წინააღმდეგ შედგა, სადაც ახალგაზრდა ჩაკვეტაძემ ნაკრებში პირველი გოლი გაიტანა. ის მატჩი საქართველომ 4:0 მოიგო.
ისე კი, ამ საუკუნეში ლიეტუვისა და საქართველოს ნაკრებები ერთმანეთს სულ 6-ჯერ შეხვდნენ, საიდანა 4 საქართველომ მოიგო, 2 კი ლიეტუვამ.
ვილი სანიოლი: (საქართველოს ნაკრების მწვრთნელი): "საკმაოდ რთული მატჩი გველის, რადგან სტუმრად ვთამაშობთ და ისინი ჩვენს წინააღმდეგ მოსაგებად გამოვლენ, ჩვენ კი მაქსიმუმი უნდა გავიღოთ და სასურველ შედეგს მივაღწიოთ.ევროპის ჩემპიონატის დასრულების შემდეგ ვთქვი, რომ 4-მცველიან ტაქტიკაზე გადავიდოდით და ასეც მოხდა, თუმცა წინა ციკლში წარუმატებლობამ დაგვანახა, რომ ამისთვის ჯერ მზად არ ვართ. ამას დაემთხვა ცენტრალური მცველების როტაცია, კვერკველია, გველესიანი, კაშია, ამ მომენტში არ არიან და გვყავს ახალი სახეები, რომელთაც შეთამაშება სჭირდებათ."
ედგარას იანკაუსკასი (ლიეტუვის ნაკრების მწვრთნელი):"ვეცდებით, საქართველოსგან მაგალითი ავიღოთ და ევროპის ჩემპიონატზე ჩვენც გავიდეთ. ვიცი, რომ მათ კარგი თაობა ჰყავთ და საქართველო არის ქვეყანა, რომელსაც ყოველთვის ტალანტები ჰყავდა. მათ მაღალი დონის მწვრთნელები ჰყავთ, ვითარდებიან და ლოგიკურია, რომ ამ წარმატებას მიაღწიეს. საკუთარ მოედანზე ვთამაშობთ, ჩვენი გულშემატკივრის წინ და ეს უპირატესობაა. ფურცელზე საქართველო უკეთესი ნაკრებია და ფავორიტიცაა, თუმცა რა მოხდება, ამას მოედანზე ვნახავთ."
ლიეტუვა - საქართველო
ამხანაგური მატჩი
29 მარტი, 17:00
დარიუსის და გირენას სახელობის სტადიონი
საქართველოს ნაკრების სავარაუდო შემადგენლობა
